#ABtalks with Laila Abdallah - مع ليلى عبدالله | Chapter 164

نحن بدأنا اللقاء قبل التصوير. زين، نبدأ اللقاء على الأسلوب التقليدي. ليلى، بصراحة، كيف حالكِ؟. الحمد لله زينة. الحمد لله، يعني الحين أحسن. يعني لو سألتني قبل، يعني الموضوع مختلف. الحين قاعدة أمر بفترة إن أعرف أسمي كل شعور قاعدة أمر فيه.

هذه مشاعر انا ما كنت مدركتها قبل، ما أعرف شو الأسامي،. ما أعرف... يعني كل شيء كان يتمحور حول الغضب. إن انا زعلانة أو... بس زعلانة. شنو زعلانة زين؟. هذه أشياء انا ما تعلمتها يعني ما تعلمت أساميها. والله زعلانة، ما أعرف، بس جذي. وأسكت،. وأخزن وأخزن وأخزن.

يعني 27 سنة من التخزين. اليوم لا. يعني خلاص أعرف أقول لك انا... زينة،. انا خفيفة،. أعرف شنو أبغي،. أهدى،. واعية لمشاعري. على الأقل أعرف أقول كلمة لا. ما أعرف أبداً. للحين أكيد الإنسان ما يخلى من مشاكله. والأمور وأسميها الكلاكيع اللي فيه. لأنه حلو خلاص.

لازم ما نكون... كل شيء يعني %100. لا نكذب إن لازم... نشتغل على نفسنا،. لكن لا نتكلم وايد ونتعب الناس إن انت لازم تكون صافي تماماً. صافي من الحقد والحسد والغيرة والغل %100،. لكن مشاكلك. الأحلى انك تتصالح معها،. مو انك... اشلون أشرح لك؟. شيلها تماماً. لأن ممكن ما رح تنشال بيوم من الأيام.

فأنت لازم تكون واعي ومتصالح وبخير. في... في أسلوب في التأمل يقول "لو تشعر بشعور،. راقبه". يعني اجلسي،. وراقبي الشعور،. بس لا تعاندين. لا تقولين "لا، انا مب معصب". "انا مب زعلان". "انا ما أبغى أصيح"،. "لا، ما بصيح". لا، انا فيني صيحة. تقبّل الشعور اللي جاي لك وشوفه.

كأنك تشوف سيارة تمر في الشارع،. بس لا تحاول توقفه. قرأت بعد نفس الفكرة. بجرب هالتأمل، حلو أحب. بس قرأت نفس الفكرة ان انت تكون. صادق تماماً. مع نفسك لدرجة إن ما تجامل نفسك أو تنافقها حتى. أو يمر عليك مرات تقرأ شيء أو كتاب،. أو معلومة إن. في ناس تسوي جذي جذي، فانت تقول.

"الحمد لله انا ما سويت جذي"،. بس انت جذيب انت تسوي جذي. هذا انت قاعد تكذب على نفسك،. وتقول حق نفسك انا لا ما فيني هالشيء أو انا لا ما أسوي جذي. مع إن انت ونفسك فقط اللي قاعدين. ما في أحد. فالـ... حتى سالفة إن. "لا، ما فيني شيء. انا قوي". "انا لا ما فيني...". انت ضعيف. ضعيف واعترف انك أضعف شيء موجود، وترى لا بأس.

يعني انا لأن أكبر واحدة. بين أخواني وأخواتي،. ودائماً إن انا اللي كل شيء... يعني انا أسمي نفسي انا رجل البيت، انا الأب،. انا الأخت الكبيرة،. انا اللي كل شيء،. فمستحيل أحد يشوفني أبكي مستحيل. مستحيل. ليش؟ اشلون؟. أخاف على مشاعرهم إن يشوفوني انا مكسورة،. أو إن يعني انا متعورة، أو مكسورة الجناح.

لا، ليش؟. يعني ليش هذه الفكرة بعد... الثقيلة؟. وانت تاخذها والناس هم تقطها عليك. يعني انا لا مع إن ناس كتير. "والله يحليلك يا أنس، انت إنسان جداً قوي. شلون يعني؟. شلون جذي تقدر تسوي؟". انا لا مع هذا ولا مع إن انت... انا مو مع تسميني. انا لا قوية ولا ضعيفة. خلي انا أعرف شنو قاعد يصير معاي. انا أسمي نفسي. اسمعني انا شنو أبغي أقول لك،.

وبعدين تقدر تعلق. فهمتني؟. مو لما تشوفني. "والله ليلى ما شاء الله عليكِ وايد قوية. شلون سويتي هذا كله؟". فانت سكتّني. سكتّني ان انا ما رح أقدر أقول لك إن... انا ضعيفة، انا أبكي كل ليلة، انا مكسورة، انا... ما عندي أحس إن ظهر، انا... ما عندي ثقة بنفسي. انت سكتّني، فهمتني؟. فهذه. من الأمور اللي تطيحك بإنك انت تسمع.

تقص على نفسك، وانت تقص على نفسك بعد. تعرفين، ليلى؟. لو الإنسان ما يمل،. ما جلس مع نفسه،. ولو ما جلس مع نفسه،. ما صار له أي وعي ذاتي. لو الإنسان طول اليوم مشغول،. وهذا يوم ورا يوم،. -صح. -من سوشيال ميديا لنتفلكس. لطلعة للشغل للأصدقاء... أصدقاء. تليفون. حتى التليفون مب انت لروحك؛.

انت مع آلاف الناس. 100%. واتساب مع آلاف الناس، مئات الناس مثلاً. فانت مش... ما جالس تمل. وأكثر مُلّهي عندنا اليوم التليفون. التليفون. مب أيام قبل بس تلعبين الثعبان،. ماعنديش غيرها. -وتنطر رسالة. -أي. -هذا بس قمة الوناسة، -قمة... وبعد ما تقدرين تلعبين وايد. اليوم لو... اليوم لا تملين. بصراحة. لو انتِ اليوم في موعد طبيب أسنان،. يقول لكِ "موعدكِ باقي له ساعة ونصف"،. -بتقولين "حسناً". -عادي، أي. قبل، بتقولين.

"ساعة ونصف؟ شو بسوي؟". فنرجع للنقطة. لو انا ما مليت،. انا ما تعرفت على نفسي،. ولو ما تعرفت على نفسي،. ما اعرف لو جالس أنافق نفسي النقطة اللي انتِ قلتيها. أي. ومعظم البشر اليوم. مب صريحين مع نفسهم،. -فما يقدر يكون صريح مع غيره. -والغرور عالي. أي، ولو الغرور عالي معناته. مش متقبل أي شيء. مش... ولا رح تسمع. يعني بداية الـ... لما بلشت برحلة الشفاء ترى تقريباً صار لي سنة،. بس توه يعني شهر قررت اني أشارك الناس،.

قلت أكيد انا... مو بس يعني... مو بس انا. اللي قاعدة أمر فيه، ملايين قاعدين يمرون فيه. أبغي أقول لهم. أبغي... أبغي أنفعهم. أبغي أقول. أبغي أسمع في... أبغي أحسس الناس بعد إن ترى "مرحباً انا هنا. انا بعد تعبانة نفسكم. لا تفكرون ان نحن نسافر. ومستأنسين ونلبس ونكشخ،.

وحلوين،. وشكلنا جذي،. لكن ترى احنا مدمرين. اسمعولنا عشان أسمعكم". وكان تركيزي على البنات صراحة. لأن. اللي قاعدة أشوفه وايد العالم المادي قاعد يسحبنا. بطريقة تخرّب. بكل الأمور... بالحياة تقريباً. أبغي أدرس الشغلة الفلانية عشان آخذ المهنة الفلانية. أبغي أتزوج الفلان عشان أصير انا مرت فلان. أبغي، أبغي، أبغي،.

ويصير الإحساس إنه كأنه شيء طبيعي لكن هو مو طبيعي. وبعدين كبت. لازم انت حلوة. لازم خشمك حلو، لازم جسمك حلو، شعرك حلو ولازم، لازم... وكله من برة،. لكن من الداخل... مو مُهمش. حد هش. ترى من أسوأ تجارب حياتي. لما قعدت واجهت كل مشاكلي. الحين هي حلوة، بس وقتها...

ترا هي ثقيلة وتخوف وكبرياءك طبعاً يروح،. وإن انا الإنسان الناجح. واللي الناس تشوفني جذي هذا يروح. فهذه لحظة تخوف ما أي حد يقدر يواجهها. صح. فإن انت عندك مشتتات، مُلهيات، وما تسمع الحقيقة أسهل عليك. لأن انت في تراكم، في مخزون موجود. المخزون والمشاعر هذه انت ما سلطتها للضوء ما سلطتها للنور.

فالأنا، لأن عنده غرور،. وهو بيتغذى على الغرور والخوف،. يقول لك "لا، لا تطلع". "لا، انت ما فيك شيء،. انت زين". "لا...". "يعني مو كل الناس ترا تمر بضغوطات وصدمات تتأثر يعني. هما يتأثرون بس انت ما تتأثر". ونعم، يستمر على جذي. هذا كله على بصراحة كيف حالك؟. -يا انا أجري وايد يا انت... -انا وانت.

لو أسألكِ... بعد سؤال تقليدي بس مهم. انتِ من، ليلى؟. قبل شهر،. من... الأسئلة اللي خلتني إن... انا عندي مشكلة. إني أبغي أتجرد من كل شيء مادي. لأني انجرفت نحوه وايد،.

وأهملت نفسي وذاتي،. ومن داخلي من ليلى صدق ليلى الطفلة، ليلى... بالداخل،. أهملت. فصار... يعني لو تسألني قبل فترة،. بقول لك انا ليلى الممثلة. بلشت شغل عمري 14. كلها يعني كلها... فهمت شيء خلاني... شيء خلاني. فبصراحة انا للحين قاعدة أبحث عن الإجابة. شكراً. للحين صراحة. ما أعرف إذا انا بنت بسيطة بس... ما أدري ما أعرف.

انا الحين قاعدة أبحث. فأتوقع أحتاج 90 سنة بعد. عشان بالنهاية أدق أقول لك "ألو، أنس...". رسالة صوتية. انا ميت في القبر. لا،. بعد عمر طويل. أقول لك... أقول لك "تذكر قبل...؟". مشوار الحياة. اكتشاف الناس. النفس. اكتشاف النفس مشوار حياة. من غير ولا مسمى. من غير ولا... من غير ولا شيء،.

انت من صدق انت من. انا عرفت إن الأنا عندك مسيطَر. عشان قلتِ "انا ما أعرف". اللي عنده الأنا وايد عالي كل شيء يعرف. حتى تسأله أي شيء، يقول لك. "ترى..."، ويتفلسف. فأنا أحترم الإنسان اللي يقول "يا أخي، ما أعرف". "كيف أروح الصيدلية؟". "ما أعرف". "ما أعرف". "بسأل لك". انتِ قلتي ما أعرف، بس بكتشف،.

ولا جالسة أدور. وانا أقدر هالجواب. إذا سألتك، عندك شنطة،. وقلت لكِ في هالشنطة،. ليلى، تحطين فيها كل مشاعرك الحالية،. وشلت عنك الشنطة وفتحت الشنطة،. شو ألقى داخلها؟. خوف،. فضول،.

قلق،. مسؤولية،. مسؤوليات. شعور بالمسؤولية والمسؤوليات. في تفاؤل،. في مشاعر الـ... في حب وايد. أي، وايد صراحة. وايد.

نعم، هذول أكثر شيء الحين على بالي. صح كلامك. الإنسان اللي ما يجلس يحلل. شو مشاعره، ما قادر... يوصل لجذور الموضوع. يعمم كل المشاعر في كوب واحد. ما جالس يقول هالخوف ليش؟. أو هالخوف شوي غير،. وهذا قلق،. وهذا اضطراب، وهذا غضب، وهذا... وليش.

منبعه شو؟. ويبغاله جلسه. الإنسان اللي صدق يبغى صدق يفهم ليش مثلاً. خلي نطلّع. مثل ولا... شيء افتراضي. زوج، ولا ربيع، حبيب يتصل حق حبيبته. ما تشيل التليفون. وبعدين... رسالة، ما تشيل التليفون، ما ترد. بعد نص ساعة،.

"انتِ وين؟". ما ترد. ساعة،. "انتِ ما تستحين على وجهك". كيف ما تردين عليه حق ساعة؟. ساعة ونصف،. "أصلاً من قال انا أبغاكِ؟". "انتِ مصدقة عمرك؟. أصلاً من قال ان انا أتقبل واحدة مثلاً مثلك انتِ؟". شو منبع كل هذا؟. هو بيقول "انا معصب، هي ما قدّرتني". صدق اجلس مع نفسك شو منبع...؟. شو الشعور صدق؟. خوف. -انت خايف. -خوف تعلق،. خوف تعلق،.

-أي. -خوف انفتاح عاطفي،. خوف حب،. أي. -خوف عدم سيطرة على وضع. -بس في سوء ظن؟. -فيه. -أي. بس هاي كله شو؟. -انا يوم أسوء الظن، -من وين؟. انا هسه أحاول أدور عذر بعد... -عذر. إن أكسر العلاقة. أي. أو "كل من يرى الناس بعين طبعه.". لو هو بعد يمكن سيء، ولا هو من النوع اللي يختفي حق ساعة. عشان جالس يسوي شيء غلط. يفكر كل حد يسوي هالشيء الغلط. انا مو وايد مع... هالمثل؟. الأمثال كلها ترا. زين، خلي ناخد هالمثل انا وانتِ. -يلا. -كل من يرى الناس بعين طبعه.

شو رأيك في هالمقولة؟. لا. غلط؟. غلط. أي، لأن انت قاعد... ممكن كل من يرى الناس... ما أبغي. ما أحب الأمثال لأن أحس هي انقالت. على واحد وواحد ثاني،. واتفقوا بنفس الوقت. ان يصير هالموقف وانقال،. وهو حس جذي. لكن انت تمسك المثل وتقول لي اياه على مدى 100 سنة. وعلى 7 بليون شخص موجودين...

حسناً، بالكرة الأرضية، لا. ما نقدر، صح. انا مع هالشيء. ما في معادلة واحدة تعمم كل البشرية. أي. الشخص هذا اللي لما أساء الظن بحبيبته ولا لما خالجته هذه مشاعر الخوف والقلق،. وان هي ممكن ترده هذا تعلق،. أو هو ممكن الحب اللي هو معطيها اياه والثقة،. لا تنسى بعد... إن انا رجل،. وهذه بعد وايد ترا موجودة بالرجال هذه...

مو تمام أبداً إن. "انا رجل، اشلون بنت ما ترد عليّ؟". و "انا عطيتها الأمان والثقة والحب"،. فهو يحس إن هذا مو بس هالشيء انكسر، لا،. إن رجولته كلها انكسرت. ونفس الشيء البنت. البنت بعدها تحس ان كبرياءها "اشلون انا عطيته...؟". يرجع الأنا. يرجع الأنا. أي. الأنا هذا. -الأنا هو يتغذى على جذي. -ترا هالكلمات اللي قلت لكِ.

العبارات اللي مثلاً جالس يكتبها كله من الأنا. -من الأنا. -بدل ما يقول. -"حبيبتي، انا خايف عليكي". -"انتِ بخير؟. انا خايف عليكي". "انا مرتبك". صح. "انا أتمنى ما صار لكِ شيء"،. بس هو جالس يعبّر بالهجوم. -بالهجوم. -بدل ما يقول. "انا ما أحب يوم انتِ جذي تسوين فيني أحس...". -"قلبي يعورني عليكِ". -أي، "شيء يستوي فيني". أي. -بس ما بقول. -هذه أشياء ترى... أي، طبعاً، اشلون أقول؟. بس هذه أشياء هي لما تقعد مع نفسك. تقرأ، تشوف... كيفك، تشوف فيديو...

انت شنو طريقتك، شو اللي يناسبك، وتكتب،. وتعترف. أي، صح، انا سويت جذي. انا لازم أغير جذي. وتبدأ من أشياء صغيرة لين ما تشوف انت شوي شوي انا قاعد أتغير،. شوي شوي اللي حولي قاعد يتغيرون. "ياإلهي، حياتي كلها قاعدة تتغير". شنو يبدأ ترى من شنو؟. من كلمة انت تقولها. يعني مثلاً بدل انا معروفة بالتأخير. انا ما وقفت أقول "آسفة. تأخرت". لما أتأخر، أقول لهم "شكراً لأنكم انتظرتوني.

يعطيكم العافية". تبديل كلمات، تبديل... كنت ما أتأخر. لما كنت أشوف في ناس قاعد ينتظروني زيادة، في وايد... بدل ما أتأخر نص ساعة، صرت أتأخر 10 دقايق،. 15 دقيقة بدل يصير وايد... بدل انا سيدة سوء الظن ترا قبل. سوء الظن كان عندي يعني... لعبتي المحترفة. انا محترفة فيه. تغير. ليش سوء الظن ليلى؟. لأن سوء الظن هي من اني انا أشخصن الأمور.

"انا سوى لي جذي لأن هو قاصد ان يجرحني"،. "هو قاصد ان يقهرني". ليش؟. انطر. تكلم مع الشخص. أنس، انت سويت جذي، ليش؟. لأنك... شنو حاسس فيك؟ انت زين؟ انت فيك شيء؟ انت...؟. بعدين قرر على أساسها شنو مشاعرك بتكون. احنا نسبق ردة الفعل على الفعل. شلون؟ ليش؟ على أي أساس؟.

ما في لأن ما في وقت، ما في كلام. زمن السرعة بكل شيء بردة الفعل، بالفعل، بالكلام،. في كل شيء لو تلاحظ. كل شيء سريع. ما ناخذ... من متى انت قاعد هذه قعدة الهدوء. عادي مع شخص 6 ساعات ما وراك شيء؟. ما وراك شيء. ما اتذكر انا وين... متى آخر مرة ملّيتي، ليلى، صدق ملّيتي؟. ما ملّيت، أي.

نادر. أي، وبعدين الحين وايد في أشياء تشغل نفسك فيها. وايد أشياء. فأي، ما في ملل. هذا مال نحن وجهال. مع إنه ضروري. الملل كان يخليكي تخترعين ألعاب. تسوين لعبة ويا أختك. "خلينا نسوي شيء مدري شو". تخترعون لعبة. في إبداع من الملل ترا. على موضوع المقولة. "كل من يرى الناس بعين طبعه"،. تعرفين؟ انا أحس فيه صحة عالية،. حسناً. بس أحس فيه إضافة.

كل من يرى الناس بعين طبعه. أو الأطباع اللي شافها. حلو. يعني رجل،. خلي نقول، 3 من ربعه زوجاتهم خانوهم. الحين اتزوج. هو ولا مرة اتزوج واحدة خانته،. ولا يمكن هو ما خان ولا مرة في أي علاقة. بس شاف... عاش ظروف وين وايد حريم خانوا رجالهم. حسناً. فطلع ويا واحدة، اتأخرت شوي. ما ردت عليه. يمكن التليفون البطارية خلص. أي. "يمكن جالسة تخون".

عشان اتعود على هالأشياء،. فمرات مب يمكن، مثل ما انتِ تقولين،. مب منه هو،. بس شايف أشياء في المجتمع، شايف أشياء حوله،. فبيته،. -يحس... -شنو الحل؟. الحل اللي انتِ قلتيه،. إن عقل الإنسان وخياله. يقدر يكون سلاح ذو حدين. انا أقول "يا أخي لا تسوء الظن". كم مرة انا وانتِ...؟. خلي ما نتكلم عن الناس. انا وانتِ سئنا الظن في حد. وحطينا نظرية. -وسيناريو كامل وأفلام، -واكتشفنا لا. -وآخر شيء، شيء سخيف. -صحيح. وانتِ تقولين. "الحمد لله ما قلت شو كان في بالي".

-لأنها فاشلة ترا احراج. -أي. يقول لوين وصلت انت؟. أو لا، كم مرة انت فتحت. نقاش واجهت شخص وصرخت عليه وعصبت وسويت مشكلة... وظلمته. وظلمته. وظلمته هو شخص قاعد جذي من الحرج يقول لك انه ما... ومرات تكسرين شخص. يمكن انتِ تطيحين من عينه. بيقول. "انا شو سويت لك انك هالقد تشكك فيني؟". أي. ولا "تشكك في مصداقيتي،. ولا تشكك في الثقة، ولا انا ما...

ما عندي ظهر"، ما أحميك ورا ظهرك. انت فريت كل صداقتنا. انت وين تختار، انت شنو تشوف، انت شنو تبغي، انت وين تبغي تروح، شنو... أي صفحة من الكتاب تبغي تقرأ،. لك الخيار. يعني موجودة كل المقولات قدامنا،. بس انت شنو تختار تحط في قاموسك؟. صح. انا أحس جذي. طفولة ليلى،. كيف كانت؟. طفولة...

يعني تبغي القصة من البداية؟. -أي، إذا تبغين تقولينها. -طويلة شوي. اللي تبغين تقوليه تحسين. مهم لليلى ومهم للناس اللي يسمعون ليلى. شوف، انا انولدت في أسرة. أمي وأبوي اثنينهم من الصم والبكم. انا أول جاهل يعني. فالتجارب تقدر تقول كلها كانت عليّ. يعني تجارب الكلام،. تجارب ان هما شلون... ترا صعبة من الصم والبكم يربون يعني جاهل يتكلم ويسمع.

فأنا كنت أسمع الباب،. انا كنت أسمع الـ... كل شيء حولهم. انا كنت تقدر تقول الـ... الدرع. يعني فهمت؟. يعني من انا أروح... من انا وصغيرة انا واعية على كل شيء. لأن بالجمعية انا أترجم، بالمستشفى انا أترجم. أبوي كان يعني إنسان حرام يشتغل وجذي،. لكن لأنه من الصم والبكم دائماً معاشاتهم أقل. فاللجان الخيرية عشان تساعدنا،.

انا أترجم وأقول حالتنا وأقول السيرة الذاتية كله. فاهم قصدي؟. كبرت وانا واعية لكل كلمة موجودة بهالحياة وشنو يعني. فما في طفولة. يعني انا عمري 7 سنين، انا قاعدة على الفراش،. قاعدة أقول "احنا وضعنا المادي تعبان". 7 سنين؟. فاهم؟ مو ان قاعدة... ألعب وجذي، بس... أحس انه، حسناً، مو الحين، أنه مو الحين مو وقته.

عندي وايد خطط بمخي لازم أبدلها أغيرها. فـ7 سنين قاعدة جذي. "احنا وضعنا المادي تعبان جداً". انا في وايد أشياء أبغي أشتريها، وأبغي وايد... يعني أطلّع أهلي من حالة الفقر اللي احنا عايشينها. لأن هذا مو طبيعي،. يعني انا وكان وقتها بس عندي أخوي فيصل وشهد أختي. للحين أختي الرابعة ما وصلت. فلازم في حل.

لازم. شنو أصير؟ دكتورة أسنان؟. بس دكتورة الأسنان جامعة ونحن. يحتاج لنا فلوس جامعة وأبوي شلون…. يعني مو إن ما اعرف. إن شنو الجامعة تحتاج فلوس ولا ما تحتاج،. كل هذا. لا، هو لازم في خطة. فكرت، "حسناً، انا بصير دكتورة. حلمي دكتورة. دكتورة أسنان صعبة الجامعة". اكتشفت بعدين... لأن من انا وصغيرة أقعد جمب التلفزيون.

واللي أسمعه أترجمه حق أمي وأبوي. لأن في مرات أفلام وأشياء ما تترجم،. فأكون قاعدة جمب الهذا،. و "قالوا جذي" وما أدري شلون. "والحين دق الباب وراح المجرم ومشى". فتعلقت وايد بالأفلام. والممثلين وحياتهم والشهرة والـ... فقمت مرات أنسى، فأطالع... أطالع التلفزيون إن يا إلهي، هذول اش قاعدين يسوون؟. انهوست بهالعالم هذا اللي الشهرة والتمثيل.

فوانا عمري 7 سنين تخيلت حياتي هذه الحين. يعني انا رح أصير مشهورة وأمشي على السجادة الحمراء،. وانا أصرف على أهلي وان نحن نكون بيت. صغير ويصير عندنا فيلا،. وانا المسؤولة،. وإن يكون عندي موظفين أقول لهم ما أدري شنو،. وأعطي معاش حق هذا وأعطي معاش حق هذا،. وشوفت هذا كله. بخيالي كل يوم بالليل كنت أرتبه. وانا مو مدركة أبداً انا شنو قاعدة أسوي داخل مخي،. لكن اللي عرفته... وانا كبيرة إن انا ماأحب دور الضحية.

إن احنا ضحايا، انا هذا ما يعجبني. فأبغي أغير، أبغي أعدّل الوضع، أبغي... أي شيء ان شالله لو شنو يعني، ممثلة، مذيعة،. بس أدري إن هذه في موهبة. لازم أستغلها، أشتغل فيها،. وأكبر يعني. من 7 سنين... طبعاً هنا حياة غريبة، غريبة، غريبة. بدأت شغل عمري 14 سنة. ففي هنا بالمنتصف كبرت يعني أكبر من عمري.

حياتي كانت يعني غير،. مخي غير. طبعاً كان وايد يتنمرون عليّ لأن انا ما... يعني مو أستحي أتكلم،. بس ما أعرف أتكلم قلبي ينكسر لما أتكلم. لأن أمي وأبوي ما يتكلمون، ما يعبرون، فا... الكلام عندي صعب. يعني ما أعرف شنو أقول، فاهم؟.

في المدرسة مو... ما... ما أعرف. فهذا من الأشياء اللي ما انساها يعني. التنمر كان عليها وايد صعب. لما تقومني الأبلة مثلاً ما أعرف أتكلم،. أو أخاف أو أستحي. فبس هذه من الأشياء اللي... أول كسرة جاتني لأن... مو فاهمين يعني شنو هذا اللي قاعد يصير، فا... تنمر يصير يعني طبيعي بعمر الجهال هذيل.

بعدين صارت مواقف غريبة. بس أي ان انا شايلة مسؤولية أهلي. هي أكثر شيء يعني كان كاسر طفولتي. هو أكثر شيء. منديل. عشان أخليه عندها. تقدري تخليه على رجلك على الأقل. شكراً لك.

بقول لكِ بعد كم من شيء. انا إنسان ما أعرف وايد في الصم والبكم،. أي. فا... يوم كنت أعرف هالمعلومة عنكِ،. سويت بحث شوي، و... ست هنا اللي عندنا ثقّفتني. وتعرفت على وايد أشياء غريبة وعجيبة منها... إن %90 من أولاد الصم والبكم ما يطلعون فيهم صم وبكم.

100%. ما كنت أعرف هالشيء. كنت أقول يمكن يتوارث سيدا بعدا. -طلع لا، %90 لا. -لا، مو شرط، صحيح. حسناً ، هاي نقطة. نقطة ثانية، ما كنت أعرف إن في لقب لأولاد... الصم. يسموهم كودا. كودا. هذا الفيلم لأن سووا أي فيلم. أطفال الأشخاص الصماء. آه، ما أدري. -ما كنت أعرف. -ولا انا، ما أدري. ففي مجتمع كامل. مجتمع كامل. عن الأولاد اللي هم يقدرون يتكلمون ولا يقدرون يسمعون،.

-بس أهلهم... -مع أهالي... والشيء اللي... أشياء عجيبة كانت إن... الطفل اللي ينولد في بيئة. هو يقدر يسمع وهو يقدر يتكلم. بس أمه وأبوه ما يقدرون،. بس أعمامه وخواله والمدرسة يقدرون. فهو نموه في الكلام أبطأ يمكن. عن نمو الشخص اللي أمه وأبوه يقدرون يعبرون. أي. وبعض الأهالي يعلمون أولادهم لغة الإشارة.

أي. وبعض الأهالي يرفضون إن يعلمون أولادهم لغة الإشارة. ليش؟ عشان ما يبغون أولادهم يعني. ما يعرفون يتكلمون بطريقة زينة،. ولكن بمجرد اتخاذ هذا القرار،. الأب والأم اللي ما قادرين يتكلمون. وما جالسين يعلمون الإشارة،. جالسين يحاولون يتأتئون ولا يحاولون يقولون الكلمات،. ما جالسين يوصلون المعلومة الوافية للولد. فعلاقة الأم والأب وايد تدهور. وتكون ضعيفة مع هالطفل.

عشان هم معاندين إن ما بعلمك لغة الإشارة. حسناً. فهو ما قادر يفهم أمه وأبوه زينين يعني بطريقة زينة. فعلاقته هو استوت ضعيفة. يعني ما في تواصل قوي ولا واضح. وهالطفل عشان. متشتت بأساليب الاتصال والتواصل بين الناس،. جالس يتعلم لغتين. يصبحون مزدوجي اللغة،. أي. ومزدوجي الثقافة. عندهم مجتمعين غير عن بعض.

أي. هو كم عمره؟. 1، 2، 3، 4، 5، 6، 7. فهل...؟. وبعد جلست أقرأ انا. جالس أقول هالمعلومات. عشان مثل ما انا استفدت أبغى أفيد. الطفل هذا... -يحس بالذنب عشان الناس يشوفون... -إنه يسمع. أي. تعليقات على أمه وأبوه، بس... وما يبغى يترجم بعض الأشياء،. فيبدأ يفلتر. يعني خلي تقولين انتِ ماشية في السوبر ماركت. كليلى تسمعين كلمة. "هذا كيف يتكلم"،. "هذا ما يعرف يعبر". وأبوك ولا أمك مش قادرين يسمعوه، بس انتِ تقولين.

"ما بقول لهم هالشيء عشان بجرحهم". أي. -تعرفين؟ -أو تحس بالذنب. يعني إنك انت تسمع وهما لا. هذه بعد تعور وايد. لأن... انا مثلاً ما أحب حتى أقول لهم "الله، الأغنية حلوة". أحس إن هو... ندري خلقة الله، وندري ونحمد الله. وخلاص هالموضوع، بس إن... مرات من انا وصغيرة أتذكر.

لما انولدت أختي الثالثة،. أمي سألتني سؤال انا هذا دمرني أتذكر. ما عرفت. قالت لي "اشرحيلي صوت كل واحد فيكم". ايش تشرح؟. وقمت أقول لها انا صوتي في بحة شوي،. أختي صوتها حاد بنفس الـ... الشوكة لما تسويين لها جذي، بس... يعني...

ما أعرف، مؤلم. وطبعاً، الـ... الناس لما تروح انت مضطر انك بكل مكان. تكون معاهم لأن ما يفهمونهم وما يتحاورون معهم،. فيحسسونك غصب عليك ان هما ناس مو طبيعيين،. ان احنا لا ما نفهمهم. وايد أمي وأبوي تعرضوا حق أنه "روح، روح، روح،. جيب لنا حد يفهمنا". تدري يعني الناس مو كلهم يتعاطفون أو يفهمون،.

وفي ناس حرام لا كانوا متفهمين،. بس الأغلب، لا ما يفهمون، فا... وبطريقة جداً يعني مو حلوة إن "روح، روح، روح. جيب لنا أحد يتكلم ويتواصل. خليه يفهمنا". وصح، انت تشوف وانت قاعد تكبر وكلمات... خصوصاً لما في أحد يكون من الأهل يقط عليهم وانت قاعد. ولأن هما ما يسمعون فانت تقولون عنهم جذي؟.

فهمتني؟. أي، هذا كله ترا... يعور، يعور، يعور. تكبر أولاً ما عندك ثقة بالبشر. لأنك تشوف إن هالإنسان ما يسمع أو ما يتكلم أو ما يشوف،. فانت مستغل هالأشياء،. فتلقائي ترا تخلق بمخك إن انت ما تثق بالناس. صح. فنعم. هذه النشأة اللي نشأنا فيها، وطبعاً وايد مصايب.

بس حلو، تجارب تتعلم منها. وانتِ البكر. أي. فانتِ أول واحدة اتخرجتي في هالدفعة إن انا لازم أكون مسؤولة. والتحدي يوم أمك وأبوك ولا أم أي حد. ما يقدرون يتكلمون، ما يقدرون يسمعون. هم في عالم كله مش 100% مهيأ لهم. فانتِ تستوين السفيرة والمحامية والوسيطة.

أي. "لازم تجين معي السوبر ماركت". "لازم تجين ندفع الفاتورة". "لازم...". عشان هم ما قادرين، بس لازم يروحون. بيروحوا مع من؟. أي، %100. خدامة؟ لا. بيروحون مع ولد عمهم؟ من؟. أي. -آخر شيء عندي ولدي ولا بنتي. -وحتى الكتابة هما يكتبون غير عننا. انا ما كنت أعرف. أي، يعني مثلاً، "انت وين الحين؟". "انا موجود داخل بيت". "يلا تعال" جذي. مو إن...

يعني مثلاً لما انا أقول. "انا يبغي يشتري دواء". "بروح". -لا مؤنث، لا مذكر. -أي. هذا انا التواصل مع أهلي جذي. ما أدري الناس التانية شنو. لأن يختلف ترى حتى لغة الإشارة من كل بيت تختلف. ما كنت أعرف. أي، يعني احنا بيتنا. مزيج بين لغة الإشارة لبناني كويتي. لا والله؟. أي والله. في بيوت كويتي، في بيوت إماراتي. فكله يختلف. مصري. لغة الإشارة كلها تختلف من.

بلد لبلد ومن بيت لبيت. ما في شيء موحد عالمياً؟. بلى في. -في موحد. -بس هل هذا اللي انتِ تعلمتيه ولا لا؟. لا. انتوا مالكم روحكم؟. مالنا. بس مال بيتكم ولا مال البلاد؟. لا، مال البلدان العربية مو الإنجليزية بعد. الأجنبية غير، بريطانيا غير أمريكا،. أمريكا غير... عجيب. نعم. حلو، أي. الحين توه، أو يمكن من زمان ما أدري،. وحدوا اللغة إن... بعد ما صار في فيس تايم،. -أكيد. -وصار في البث المباشر مال الانستجرام، فكانوا يتعرفون،.

فشافوا ان انت غير وانا غير. لا، ليش ما نوحد؟. وحدوا. قلتِ كم من شيء. قلتِ وايد صعب كان في المدرسة. هل عشان المدرسين. ما كانوا مستوعبين الظرف اللي انتِ عايشاه في البيت،. فيقولك مثلاً قومي اشرحي هالشيء. وانتِ حاسة بتأنيب ضمير. إن أمي وأبوي ما قادرين يتكلمون وانا جالسة أتكلم؟. مو بس جذي. طبعاً المدرسين يعني ما كانوا مدركين حالتي النفسية.

ما كان في أبداً يعني فهم وفهمية وشلون نتعامل مع هالطفل. ومو بس اني أقوم. القومة قدام عدد كبير من الناس،. وانت ترا يعني خلي نقول،. كم تقضي؟ 6 ساعات 7 ساعات بالمدرسة؟. بس انت في ساعات باقية طول الوقت انت بالإشارة قاعد تتكلم وتعبر. بلغة جسدك مو بالكلام بلسانك الفعلي. فلما تقوم قدام هالعدد هذا وانك انت تتكلم،.

كان انا عندي صعوبة وايد كبيرة ان الكلمة تطلع،. فأقوم ساكتة. جذي أرجف إن من وين أبغي أبلش أو من وين أبغي أنتهي؟. أو شلون ترتيب الجملة؟. بعدين ما كان حد يدرسني، انا أدرس نفسي بنفسي. فشنو أقول؟. ما أعرف شنو أقول، شنو أسوي، شلون أتكلم،.

هذا كله. فصار يصير ضحك بالصف. انه يعني الشخص اللي ما يعرف يتكلم. "ما تعرفين...". يصير جذي. فالأبلة "خلاص اقعدي". مو إن تاخذني بعدين على جمب وتكلمني انه "انتِ بخير؟". "انتِ فيكي شيء؟". أو حتى يعني المفروض يعني... يشوفون لما اتسجلت المفروض موجودة بالأوراق.

ما في يعني ما كان في متابعة. جالس أحاول... انتِ قلتِ شيء بعد. قلتِ "عشان أبوي عنده هالاحتياجات الخاصة،. ما بيحصّل الراتب اللي الإنسان. الطبيعي، خلي نسميه، اللي يقدر يسمع ويقدر يتكلم. حسناً ، لو بابا ما قادر يحصّل الراتب اللي... يوفي،. ما أعرف لو أمك كانت تشتغل ولا لا،. أي. زين، فهل هذا الضغط...؟.

عشان انتِ قلتِ حتى كنتِ تنامين على السرير وتفكرين. فلوس جامعة، كذا، انا... معناته الوضع المادي شكله كان ضعيف. جداً ضعيف، جداّ جداّ ضعيف. أي، لأن يعني انت تتكلم احنا كنا أسرة حالتنا غير مستقرة يعني بين لبنان والكويت. عشان ما ندري هالسنة... حسناً ، الفلوس عندنا، السنة الجاية لا. فأسهل ان أبوي يطلعنا من الكويت يودينا لبنان. نقعد هناك فهمت؟ يصير عليه التكاليف أقل.

يعني وقتها كان معاشه. 120 دينار. يعني... 1200 درهم. يعني 400... 400 دولار تقريباً،. ولا أقل، 300 دولار. أي. -مع إيجار بيت... - هذا في شهر؟. في شهر،. أي، مع إيجار بيت، مع عنده 3 عيال. أكل، مصرف، يعني... فاهم؟. كان ترا يعني متعب. أمي تطلع يمكن 100 دينار.

فاثنينهم على بعض 220. أتذكر إيجار البيت كان 150، فا... بتتذكرينه؟. أي، أكيد. هذا كله مسجل عندي. يعني ماكله ما ماكله 20 دينار،. والباقي يعني اللجان الخيرية كانت تدفع مدارسنا. ان احنا مقيمين في الكويت،. فالمدارس يعني لازم تكون خاصة، فندفع لها،. فأي، يعني اللجان الخيرية كانت... كانوا شوي أهل أبوي يساعدون.

بس انا كنت رافضة هذا الوضع. يعني أحس انه لا. وبعدين كنت أحس ان الله ما جابنا. احنا نتكلم ونسمع عبث. طول الوقت أحس جذي إن... لا،. في شيء. لازم يصير في تغيير. لازم يصير في تعديل. انا ما رح استسلم. وكنت طبعاً أقول لهم ان يعني. "بصير ممثلة بيوم من الأيام وبصرف عليكم"،.

و "اللي يزعلني يا ويله.". كنت أقول لهم جذي يضحكون عليّ. وأدش... لأني أقلد أشوف بالأفلام الأبيض والأسود،. فأشوفهم اشلون يمثلون،. فطول الوقت انا قاعدة أمثل. -فأطق الباب جذي ورا... يعني أسكر الباب. -دراما. دراما. أي. ومرات لما يزعلوني،. أكتب ورقة،. وأطلّع البانادول. وأحطه جذي ان انا انتحرت. فيدشون عليّ يشوفوني يسكرون الباب. خلوها.

خلوها. فبعدين لما مثلت هما دروا يعني،. أو يدرون. إن انا هذا الشيء كنت مخطتتله من انا وصغيرة. اللي انا هسه أفكر ليلى إن الطفل. ينولد في بيت عنده التحدي الأول إن أمه وأبوه غير. حسناً، تحدي واحد. وانا البكر. ما في حد قبلي سهّل عليّ ولا ثقّفي ولا قال لي. "اليوم انتِ، باشر أنا.". لا، انا روحي. حسناً، هاي ضغط.

وعندكم تحدي مالي. أي. فهجالس هالطفل جالس يفكر في أشياء. المفروض يفكر فيها بعد 15 سنة،. مش اليوم. فانتِ ما كنتِ طفلة أتوقع. أي، بحياتي. ما... يعني ما مر عليّ... ما أتذكر يعني الطفولة أو شنو الطفولة أو شنو الـ... يعني هذه أشياء ما... ما أتذكر إن عندي لعبة مفضلة.

لا، يعني كان أكثر وقتي بين الكتب. إن انا في هدف لازم أوصل له، في تخطيط، في تفكير،. في مسؤوليات،. في أمي ترا وأبوي يروحون الدوام بعد يعني العصر،. واحنا نرجع من المدرسة. ترا انا كنت عمري 7 سنين أطبخ. يعني أطبخ وأنظف وأعرّف وأدير بالي على أخواني. وأقفل الباب وأحط المفتاح بجيبي،. وممنوع حد يدش وممنوع أحد يطلع، وأعرف... يعني حتى إذا حد طق الباب، أقول له "بعدين.

تعال بالليل". لما يرجعون أهلي وأخواني وأطمن عليهم. وان هما يعني بخير حالتهم زينة،. ما يحتاجون شيء. هذا كله ترا ضغط على الطفل. أي، يعني... فقاعدة أقول. لك لما اشتغلت بعدها بفترة،. جنيت رحت ديزني. شريت ألعاب، واستأنست، وقمت أصرخ، وبكيت.

إن انا عشت... شنو هذا؟. ورديت طفلة هذه. السنة أتذكرها كانت 2018-2019 تقريباً. قبل كوفيد. الصاعقة الكبرى. المهم، فا... ما خليت بخاطري ولا شيء. قلت خلاص، الحين انا راضية، حسناً، تمام. يعني سويت اللي بخاطري والحمد لله. الله جبر بخاطري يعني، فا... أتذكر وناستي... يعني أتذكر حرام أبوي يعني ما كان يخلي شيء بخاطرنا،.

فكان يجيب لنا ألعاب مستعملة. كان لطيف. يعني يحاول كثر ما يقدر انه هو يحسسنا إن احنا مو أقل من أي أحد،. لكن... انت و... داخلك، مشاعرك غير. صح. خصوصاً لو تكون عارف مصدر هالفلوس من وين. انت تروح وأبوك تشوفه قاعد يحاول إن يجمع هالتبرعات ويجمع... هذا كله يفرق عندك غير. بس متواجدة في ناس يغرقون،.

وفي ناس يتعلمون يسبحون. شكلك انتِ حاولتي وتعلمتي تسبحين و... هالنار اللي فيكِ. وأعرف... قلتِ. قبل الـ 14 أشياء غريبة صارت،. وأعرف تبغين تقولين أشياء ما قلتيها قبل. صح.

من الأشياء اللي... هنا بعد الـ 7 سنين وبعد ما... قاعدة أقول لك ما عشت الطفولة،. جه موضوع صار زيادة عن اللزوم. هذا الموضوع يعني اللي خلاني. اليوم أعاني،. أو إن لما اليوم. قاعدة أقول لك مريت بمرحلة التشافي صار لي سنة،. اكتشفت إن كل مشاكلي من هالأشياء. اللي قلت لك عنها وهالشيء هذا بعد بالذات زيادة.

إن انا وصغيرة تعرضت للتحرش من 3 أشخاص مختلفين. بسبب استغلالهم إن انا أمي وأبوي ما يسمعون،. فما ما رح يعرفون. ما رح يحسون، ما رح يعني يكونون... أو ما رح ييجون يكلمونا حتى. فالـ...

الشعور هذا انا خبيته بقلبي،. والمواقف هذه انا ما قلتها حق ولا أحد أبداً،. وأهلي بالذات بعد. لأن أدري إن هما رح يموتون من القهر،. وأدري إن هما ما رح يعملون شيء. لأن هما أصلاً غير إن هما... من هالفئة، هما طيبين ووايد عسل،. ووايد يحبون السلام، وما يحبون المشاكل، و...

خصوصاً إن ناس شوية. مقربين وفي ناس شوية بعاد،. لكن تقدر تقول إن كلهم يعني كانوا واثقين فيهم. فأنا لإن كنت عارفة وواعية. من انا وطفلة، أدري إن هما جداً رح ينكسرون من هالناس. لأن هالناس هذه يعني... لا، خلاص، يعني... حياتهم أحس رح تنتهي إذا قلت لهم، إن. هذيل الناس عرضولي هالأذى،.

انا تعرضت لشيء. جداً سيء بحياتي من هذيل، فا... صعب كان. فأتذكر بعمر الـ 8... 10... 8 أو 10؟. 11 أو شيء جذي، ما أتذكر، بس بهالأعمار هذه. فلما... لا، أول مرة، آسفة، كان 6 أو 7 بهالعمر، ما أتذكر،.

وفي عمر 9 و11، و... المشاعر هذه لما خشيتها فيني، سببت لي وايد. إن انا أكون ما أبغي أتكلم، معزولة،. "انا فيني شيء غلط"،. "أكيد انا بنت مو زينة"،. "اشمعنا؟ ليش انا الي يتحرشون فيني 3؟ ليش؟". "انا الغلط فيني". الطفل انت عبالك ان انت اللي خليت هذا الشخص...

انت سويت له شيء خلاه يسوي لك جذي. ما تدري إن. هذا ممكن إن... ما بحط مبررات حتى يعني،. لكن مو انت السبب. وكبرت على هالأساس. كبرت بمخي إن انا فيني شيء غلط،. انا بنت مو زينة،. انا السبب مني. طبعاً، الكبت لهالمشاعر وتفاصيل وايد وايد،. خلتني أنمو في مراهقة مو جيدة.

مشاعر الغضب،. التشتت. شخص يوديني، شخص يجيبني. بسرعة تقدر تأثر عليّ. ما عندي شخصية، ضعيفة شخصية،. أبغي أرضي الكل،. رأي الناس جداً مهم. لأن أخاف. إن يمس كلمة عني ولا يمس... لأن فاهم؟ في خلل داخلك. فالبنت تكبر بهالمجتمع. وهي متعرضة.

لتحرش سواء لفظياً سواء باللمس سواء بأياً كان،. يخرّع ويوتر،. وغير جذي، لما يفهمونك إن هذه وصمة عار. كبنت يعني انت ِ المفروض حياتك تدمر بعدها. يعني والأحسن انك ما تقولين لنا عشان تتزوجين. شو يقولون؟.

زين، البنت شو تقول؟. البنت شو تعبر؟. البنت شنو...؟. يعني... إنه... كلموها. شو المشاكل اللي هي قاعدة تمر فيها،. شنو احساسها. هل هي تمام؟. هل هي صارت إنسانة سوية؟. هل هي...؟. هذا انا مستحيل، إنسى،. قبل سنة انا ممكن أقوله.

مرة قلتها قدام دكتور نفسي، قال لي. "لا، لا تقولين جذي. ترا الناس يمسكون عليكِ ممسك". الناس يمسكونها عليّ ممسك؟. ايش ممسك ان شالله؟. شيء انا عمري قاعدة أقول لك 6 و 9 و 11. يعني %1 مالي شغل فيه. 00.1 مالي شغل فيه. شيء يعني ناس هم يعرضوني له.

فمع الأمور اللي انت أصلاً صايرة فيك،. ويجي مجتمع زيادة،. فوين انت تكبر عندك ثقة بالناس ولا...؟. ما كنت أشوف أصلاً الناس إن على هيئة بشر. والله. أشوفهم مربعات،. ولونهم أحمر،. وإن كل واحد جاي بينتقم. كل واحد جاي بياخد شيء مني. فأنا جذي مستحيل تشوفني قبل.

تلقاني دائماً قاعدة جذي هجومية ناطرة تقول لي. أي كلمة ممكن انك انت،. أو أحس انك تمسني. أو تمس يعني كرامتي ولا شرفي ولا،. ممكن أهب أدمرك. وغالبيتنا كبنات جذي. يا متعرضين لكلمات جارحة،. يا متعرضين للتحرش،. يا متعرضين لإن... في ضغط.

وأمي وأبوي قلت لهم توا وانا كبيرة يعني. وأبوي حرام أتذكر لما قلت له ما كان ينام يعني إن... "ليش ما قلتِ لي وقتها؟". "انا مقهور"، فا... حرام. تخيل انا الحين قلت له وهو جذي مقهور،. فما بالك. قبل بعد انا وأصغر؟. يعني أحس هالحين وقع الكلمة عليه. إن انا كبيرة ومسؤولة ولت حياتي،.

وانا تمام وهذا مو شيء عيب وهذا. لأن أهم... هو عنده صورة إن هذا شيء... يعني عيب، عيب. فاهم؟. هي الكلمة عيب، الفعل عيب،. لكن اللي استوى فيه مو عيب. فهو الحين مقهور و... يعني إن... "ليش ما قلتِ لي بوقتها؟". "انا مو قادر أنام". أتذكر لما هنا انفجرت. قلت لهم "انتوا..." لأن صار موقف. قلت لهم "عبالكم انا طبيعية؟.

انا مو طبيعية.". فانفجرت قلت. فهنا أبوي انصدم، أمي انصدمت. أمي حاولت تنحاش. حست ان هي ما تبغي تسمع. لأن وقتها احنا كنا بلبنان. وهي كانت مسؤولة عننا، فالأم... ومرات الأهل ما يبغون يسمعون. لانه يحسون ان هما قصروا. إن انا ما كنت موجود حوالين بنتي أو ولدي،. "فلا تقول لي،". يصير في حالة إنكار قوية.

تجرّد من حالة الانكار هذه. انا الحين قاعدة أقول حق الأمهات والأبهات. أتمنى إن يتجردون من حالة الانكار،. ويتجردون من إن هما وين كانوا لحظتها. لأن هذا الشيء صار،. واحتوي بسرعة كثر ما تقدر. بكثر ما تقدر احتوي. لأن هذا الشيء كفيل بإن يدمر الولد ويدمر البنت. وخصوصاً إن احنا أنوثتنا ورجولتنا متعلقة بهالأمور هذه.

اللي قاعدة تستوي فينا من غير ما احنا نكون... ما يكون لنا ايد فيها. والحمد لله لما كبرت. وصارت معي تجربة يعني خلتني أطيح في دوامة. إن انا إنسانة سامة،. انا فيني وايد مشاكل، انا عندي خوف، انا عندي وعندي... فلما رحت قاعدة أسوي تنفس،.

سبحان الله، كان في معالجة موجودة. قلت لها كنت... لما طحت بالمشكلة من سنة،. كنت دائماً،. لما قرأت، إن الطفل الداخلي وما الطفل الداخلي،. قلت "شو الطفل الداخلي، ليلى؟. شو في الطفل الداخلي؟". بس انا أدري إن بالجذور. في مشاكل تجرح، تعور،. وما أتكلم. طبعاً مستحيل. لأن قلت لك،. كنت داخلة في العالم المادي، إن أقول انا بيوم كنت فقيرة، أقول،.

بس ما أقول ان احنا والله... لجان الزكاة،. أو اللجان الخيرية تتبرع لنا. إنه يعني... فشلون أقول؟. لكن كنت أحاول كثر ما أقدر أوصّل صورة إن. انتقلنا من حال إلى حال. لكن اني أقول بالتفصيل،. أستحي يعني كنت. بس الحين لا خلاص يعني. اتجردت من هذا.

فلما قرأت عن الطفل الداخلي. إن انت في صدمات طقت عندك بالمباديء. وطقت عندك في المشاعر،. وطقت عندك في كينونتك ومن انت،. والأشياء، وشكّلتك. طبيعي. شكّلتك، انت عجين. عجينة،. والأشياء تشكّلك. او انت ورقة بيضاء انولدت،. وكل من ييجي يشخبط. الورقة انترست شخابيط زين وتواقيع،. وكل شي هذا لازم يتنظف.

ما رح نشق الورقة. الورقة لازم نمسحها، ننظفها. ففي طفل داخلي،. شنو الطفل الداخلي؟. اللي هي صدمات الطفولة، شنو صدمات الطفولة؟. ألا وهي المواقف اللي تعرضت لها. وانت وقتها ما تكلمت. وانا 3 مواقف ما تكلمت. يعني... أتذكر مشاعري تيبست، و... أتذكر إن وجهي صار أحمر، مخي صار ثقيل.

توتر. تدري إن البراءة انتزعت منك بهاللحظة. لا تقول لي شلون. هو شعور هيك يجيك جذي. إن انا وشيء خاص فيني جداً انوخذ،. وان شاء الله لو اللمسة كانت جذي،. ما أقل لك... ما فيها ترى هي.

انت تخيل حوالينك سياج،. لو ان شاء الله يقرب منك يعني جذي زيادة،. جذي زيادة. خلاص هو شيء تحس إنه انوخذ منك،. صح. التحرش الجنسي اللي صار لكِ. في هالثلاث مراحل من ثلاث أشخاص،. هل كانوا حادثة واحدة ولا علاقات؟.

-حادثة واحدة أو إن يعني...؟ -يعني بس مرة يستوي وبعدين خلاص. ولا مرة بعدها؟. ولا يتم الشخص نفسه يرجع؟. لا، مرة وخلاص. -مرة ثانية وخلاص، -مرة ثالثة وخلاص. هذا الشخص الثالث مع إنه لو أقول لك عمره تنصدم. 70،. 72،. فانا كنت أشوفه كأنه يعني جدي. هذا الشخص بس مرتين. بعدين ما كنت أروح البقالة اللي هو يقعد فيها. بعدين ما كنت أروح البقالة اللي هو يقعد فيها. فقلت مستحيل أروح.

مستحيل. ولما مات، أستغفر الله يعني،. قلت لهم "الله يرحمه، زين. يلا زين". "زين مات. ريّح الناس منه". هذا بمخي يعني. لا تنسي إن هالنوع من الشخصيات المريضة. مسؤولين عن دمار كم إنسان؟. انا عندي وايد خط أحمر وحساسية تجاه التعدي على الأطفال. الطفل ما يقدر يدافع عن نفسه.

صح. ما يقدر يضربك. لو فيك خير، سويه ويا شخص مثلك. لو فيك خير. تجرب تحاول تلمس إنسان يقدر يضربك. هنا بشوف شجاعتك هالشجاعة اللي انت الحين عندك،. -بس أكيد بتتسلط على طفل. -طفل. الحين هالطفل اللي عمره 8 سنين، 6 سنين، 14 سنة، انت شو سويت؟. انت دمرته ترا. انت استأنست حق هالحبتين هال 10 دقائق مالتك. عشانك إنسان مريض وأناني. هالطفل شو استوى فيه؟.

الـ60 سنة اللي بعدها راح،. ولو ما عالج نفسه، أو انتحر، أو اكتأب،. أو ما عرف يتزوج،. ما عرف يكون عنده علاقة حتى جنسية ويا زوجته،. ولا هي ويا زوجها،. دمرتهم. دمرتهم، %100. ما عرفوا يكون عندهم ثقة في نفسهم،. يحسون جسمهم غريب،. -100%. -يحسوا ان هم غلطانين. والبنت بعد تكبر على... طول الوقت تحس ان هي بنت مو زينة،. وانت فاهم قصدي. نعم، رخيصة،. قذرة.

-أي. -نعم. تحس ان هي بنت مو زينة. فتجذب العلاقات المو زينة،. فتبلش الرجال يستغلونها. لأن هي. غير مدركة تعطي هذا الانطباع للشخص اللي قدامها،. صح. فا... والرجل نفس الشيء يعطي انطباع للبنات. إن انا استغليني عادي، انا... وهذه كلها أشياء ما حد له شغل فيها. يصير من الداخل. فقلت لك، انا ما احب ألعب دور الضحية.

قلت ما رح... كان صعب أقولها بالجلسة. فأنا ماسكتها طول الوقت. فهي تقول لي "شنو؟. قولي. شنو الـ... القصة اللي انتِ مو قادرة تطلعينها؟. قوليها". صعب. من وين ابتدي؟. فابتديت... حتى عشان الناس تعرف عشان لا يقطون اللوم على نفسهم،.

قلت لها "انا كنت لابسة بنطلون...". قالت لي "لا تقولين انتِ لابسة بنطلون. لا تبررين لهم وتقطين اللوم على نفسك". شوف انا شو مفكرة؟. انا جاهل. قلت لها " انا كنت لابسة...". "عشان انا لابسة بنطلون". والله. "عشان انا لابسة فستان قصير". "عشان انا لابسة ملابس ضيقة". "عشان...". فانت قاعد تعطي مبررات للمجرم.

وانت مو حاسس وقاعد تزيد على نفسك. فلما خلصنا توه يعني الجلسة الـ6-7،. قلت لها ترا انا رح أقول حق الناس. هي سوت لي جذي انه "لا". ان "انتِ بخير؟". تقولين وانتِ مرتاحة، وانتِ...؟". قلت لها "أي"، كم بنت. بنت يعني قاعدة تعاني وخايفة الحين ومو عارفة شنو تسوي،. ومن رح ينقذها؟.

والأم اللي تسمع،. ودي تروح تقول. حق بنتها "تعرضتي للتحرش، حبيبتي ماما؟. انتِ بخير؟. في أحد يعني تعدى عليكي، مسكك بطريقة ما ارتحتي منها؟". أدري السؤال صعب، قوي، ويعور،. ويخرّع،. وخصوصاً الأب ان يقول حق ولده،. لكن قل. قل قبل ما يفوت الأوان. فقلت لها انا رح أقول. قلت لها ممكن في ناس تتحسس، تزعل،.

وتقول شلون. ما يهمني. الفئة اللي تهمني. اللي هي من وضعي من نفس حالتي. اللي قاعد يعيشون نفس المشاعر هذه. أبغيهم يتشجعون ويقومون ويواجهون،. ويسلطون أي مشكلة عندهم تحت الضوء،. وما يخافون ويكونوا صادقين مع نفسهم. واللي حوالينهم. "يا جماعة انا ترا تعرضت لهذا الموقف من حياتي. انا أحتاج الحين تكونون معي عشان أعالجه. لأن انا مو بخير مو تمام".

وانا أشجعكِ على هالشيء. شوفي، ها من أهداف البرنامج. إنه... وانتِ بقول لكِ شو اللي لعب في مخك. اللي عكس عقلك إنه حسيتي. أتمنى ليلى تكون الشخص اللي ليلى كانت تحتاجه وهي كانت صغيرة". أي، صح. أي، صح. أي، من الأشياء اللي كانت مفيدة بعد إنه...

كنت أتخيل انا الصغيرة. بوقت الموقف. ها أصعب الـ... الحالات اللي تخيلتها إن انا الصغيرة. بعد هالموقف،. أقول لها انا الكبيرة الحين،. وألمها وأكلمها وإنه عادي وإنه... بمجرد ما انت تغمض عينك وتتخيل هالخيال كان...

يعني. تغيير بالنسبة لي إن. تطبطب عليها، وكنت أتخيل إن. بالمكان انا مريتها برينج أبيض،. وأسوي لها كل الأشياء اللي انا كنت أتخيل أبغيها. فكنت أجي لها بشكلي هذا الحين انا كبيرة والشكل الحلو اللي... لأن انا وصغيرة دائما. كل أحد منا لازم شكله حلو. فأجي لها... وخلوا عندكم تفاصيل يعني بالخيال،.

فكنت آجي، وأحضنها. وإنه عادي. والله وما عليه وشو تبغين؟. ووين تبغين نروح؟ وشنو نسوي؟ و... "شوفيني لما...". "انتِ نفسك لما كبرتي، ترا ما في شيء". "احنا بخير، احنا تمام. احنا تغلبنا على الموقف. احنا صرنا أقوياء، احنا زينين.". فهذا كان بالنسبة لي يعني تغيير. تغيير، استيعاب، حنية على نفسي. لأن انا جداً قاسية كنت مع نفسي. كنت دائماً ألوم.

التلويم، التأنيب، الـ... عشان ما كنتِ تحبين نفسك. أي. لأن نفسي هي اللي... يعني... شلون أشرح لك؟. إن انا اللي خليت نفسي،. أو نفسي هي اللي كانت جريئة جذي عشان... فاهم؟. -كله تفكير. -غريب صح مخ الإنسان؟. أي. وايد. كيف اللوم يطيح على الطفل والطفل يحس هو غلطان. مع إن بأي أسلوب منطق من أي زاوية،.

-هو مو غلطان أبداً. -بس. العقل…. تعرفين؟. شيء ثاني تعلمته،. إن لو علاقة الأم والأب. وثيقة مع الأطفال،. أول ما الطفل يتعرض لأي حادثة تحرش جنسي،. المفروض تلقائياً أروح وين؟. الأم والأب. فالصدمة... صدمة التحرش الجنسي هي ليست الصدمة الأولى.

الصدمة الأولى هي علاقة مضطربة. بين الآباء والأمهات والطفل. إن هالطفل ما قادر يوثق بما فيه الكفاية مع أمه وأبوه. عشان أول ما هالحادثة تصير إن المفروض. هالطفل، وين يفكر؟. ما عنده ملجأ ترا غير الأم والأب. بالضبط. إذا هالملجأ ما جالس ياخذه. معناته في صدمة قبل. والدكتور اللي كنت أسمع له يقول. "المتحرش جنسياً والمتعدي،.

ترا مب بالحظ يختار. يختار الطفل اللي بيحس ما بيروح عند أمه وأبوه". وأبوه، %100. هنا يدور. -100%. -يخاف من الشخص اللي بيروح عند أمه وأبوه. فانتِ الله يحفظهم أمك وأبوك. بس عشان حالتهم، هم شوي قالوا. "ما بتشكي". ولو بتشتكي بتحس بالذنب، بتقول. "لا، ما بزيد عليهم". -أي، طبعاً، هما مدركين. -فانتِ أفضل شخص يهاجمونه.

أي، أفضل ضحية. أفضل ضحية. -هما يختارون. -فتخيلين؟. 100% صح كلامك. ويخربون. يعني مثلاً تلقى دائماً البنات اللي المقربين. اللي يتحرشون فيها، يدرون شو علاقتها مع أمها وأبوها،. أو يدرون إن إذا قالت. بتصير مشكلة كبيرة، أو يدرون... عارفين التفاصيل وعارفين ما بعد الفعل شنو العقبات،. ولو الأم والأب جوا كلموني،. -هما عارفين ومجهزين السيناريو تماماً. -متعودين.

انتِ مش الضحية الوحيدة. عنده سجل هذا. هالمريض، انتِ مش الضحية الوحيدة. فهالناس المفروض أصلاً ما يكونوا موجودين. المفروض أو يسجنون لمدى الحياة أو شيء. عشان هالشخص بعد ما يخلص من ليلى. ترا في 13 واحدة غيرك وغير... وأولاد بعد. شوف البشر غريبين. مرض. مرض. بس...

لازم يصير بعد عندنا يكون الوضع أكثر عادي،. وتربية،. ونتكلم. ونتكلم فيه،. ولا يحسس... انا تركيزي شوي على البنات. لأن انا اشلون حاسة وقاعدة أحس وانا منهم. ليصير في... الوضع، الناس زيادة. يعني انت فوق ما هي اللي متعرضتله، انت تيجي تزيدها،. وتحسسها ان هي السبب،. ولبسها هو السبب،.

ولا انا أصلا... شو اللي خلاني أفكر إن انا الله لابسة بنطلون؟. من الاشياء اللي قرأتها. ما انت طول عمرك ترا... انا أتذكر عمري كان 10... أتذكر عمري كان 12-13 والله ما أتذكر،. سويت صفحة بالفيسبوك اسمها. لا للتحرش بالمرأة. أي. زين، ليش؟. لأن أبغي أحس ان مو انا الوحيدة. صح. أبغي أشوف انا الغلط ولا المتحرش هو الغلط.

تخيل. فتدور انت تدور تدور،. وأغلب الإجابات إن "البنت هي إذا ما يعني كانت...". -مسكين الرجل ما يقدر يتحكم في عمره، سبحان الله. -في عمره. "البنت هي اللي عطت المجال". "البنت لو كانت...". انت قاعد تتكلم عن طفلة،. هي حتى لو كبيرة... ما في عذر. ما في عذر، أي. "البنت هي اللي سوت جذي وخلت إن الرجل يتجرأ عليها".

لا. هذا لا جرأة،. هذا لا فعل عادي. هذا مرض. يعني وما ودي أسميه مرض لأن هذه انا بالنسبة لي أشوفها جريمة. هو جريمة. أي. انا قلت مرض،. -بس هالمريض جالس يرتكب جرايم. -جرايم. أي، %100. انا أدمر حياة إنسان،. وما جالس أتمسخر،. يدمر حياته. مب كل حد ليلى ترا.

مب كل حد... وانتِ الله يعلم شو حاولتي تسوين ولا قدرتي تسوين. -عشان توصلين... -ترى توه وانا 27. -الحين يعني انت قاعد تتكلم في... -زين، وهالـ... 15 سنة،. -في... أي. -ولا 20 سنة. أي. من المسؤول عن هال20 سنة هذيل؟. الدمار، وهالمشاعر، وهالغضب، و... وإذا انتِ ما جالك وعي، ولا عرفتي توصلين للطبيب النفسي الصحيح،. ولا عرفتي تفضفضين لربيعتك،. شو يستوي في هالشخص اللي بدأ يدمن مخدرات؟. 100%. اللي بدأت تقص نفسها؟. أي. اللي انتحرت؟.

هي لأن... -من؟من الغلطان؟ -ما هو شنو يصير في فكرة صغيرة،. وتكبر، تكبر، تكبر،. يبنى عليها، ينبني عليها. وفي ناس... يعني ممكن يتعرضون لنفس الموقف اثنينهم،. لكن هذا يأثر عليه غير، وهذا يأثر عليه غير. -صح. -وهي شنو الأفكار اللي انت تبلش تبنيها؟. يعني هي فكرة تجيب فكرة تجيب فكرة،. لما يتضخم الموضوع براسك وايد. لما يصير خلاص اللوم "انت. ما في حد غيرك"،. وبعدها...

بعدها تتصرف تصرف لأن بناءً على شنو انت حسيت،. فا "انا سويت حق نفسي جذي"،. و "انا طيحت نفسي جذي"،. و "انا طيحت نفسي بهالعلاقة"،. و "انا سويت جذي ودمرت نفسي"، و "انا...". فتتوه بالدوامة. تذكري بس كلامي. حطوا تذكير. بعد ما الحلقة تنزل،. كم بنت،. ويمكن بعض الأولاد بيتواصلون وياكِ،. تذكري اللي انا أقول لكِ،. -وبتعرفين... -وياي؟.

أي، لكِ انتِ. هالرسائل بتوصل. وبتتذكرين،. ومن الحين أقول لكِ شكراً. عشان في هاللحظة بتعرفين اللي اخترتيه قرار صح. ان شاء الله، والله. ليلى بس واحدة... حتى ما بكون بخيل،. بتغيرين على الأقل كم من 100 حياة؟ على الأقل. -ان شاء الله، يارب. -ما قلت واحدة. ما بقول لو غيرت حياة واحدة... لا أكثر. أكثر. -ان شاء الله. -إن هالشخص يقول.

"من 6 شهور انا جالس أتحرش"،. حد يتحرش فيا". لا، خلاص. بس، غيرتي. هالـ %5 شجاعة اللي انتِ زدتي عليها،. هنا قدرت. لو ليلى ما كانت موجودة،. والشخص الثاني اللي بيتكلم عن التحرش ولا الثالث ولا الرابع،. في وايد ناس بتموت ضحايا. يحتاجون... يحتاجون لمثل ليلى. تحتاج لمثل ليلى. تحتاج... لأنس. تحتاج إلى هذا وذاك. كل حد يطلع ويقول. "لا حبيبي، تكلم. انت مش غلطان".

انت مو غلطان. شجاعة يبغين لها. وصدق انت مو غلطان،. ومو عيب، مو عيب. احنا اليوم بنخاف من العيب أكثر شيء. اللي يطيح الناس بإنها ما تقول إن "عيب". اسمي، شكلي، أهلي، ناسي، جيراني،. "قالوا...". طيب، وانت حبيبي؟. انت؟. وانتِ؟. إن انتِ خايفة ان أعرف؟.

طبعاً، البنات عليهم ضغط، إن. "انتِ ما رح تتزوجين"،. إن "انتِ رح يصير...". ضغط المجتمع إن هي رح تصير معيوبة،. إن "ياللي اتحرشوا فيك". "ياللي...". كلمات يعني رح تلصق فيها،. هي تفكر إن تلصق فيها وأنه تعيبها. لا حبيبتي، ما في ولا شيء رح يعيبك. ممكن أقول لكِ شيء؟. واللي يشوف ان هذا عيب، ما تبغينه.

100%. هالشيء لازم. الإنسان اللي واثق من نفسه يقول. "انا أنس، عندي عيوبي". -أي، ما في إنسان ملاك. -"ياأخي اللي يحبني،. انا حزمة حلو ومب حلو. عاجباك الحزمة ولا لا؟". واللي يقول لا، وسخ وما أبغى... -شكراً. -أي، وما أدري شنو. ماأبغى. شكراً، انا اللي صدق ماأبغيك. ما... بالضبط. -100%. -وعادي. مب مفروض انا أناسب كل حد. 100%. مب مفروض أناسب كل عقل. في عقول انا ما تناسبني، وانا ما اناسبها. وانا أصلاً ما أبغي أختار هالعقول.

ما تناسبني. أي، يعني... أي، ما تناسبني،. وغير جذي، انت لما تقول الأمور،. العيوب اللي فيك، ولا لما تتشجع ولا لما تقول،. انت بعد قاعد تفلتر الناس بحياتك. صح. فانت قاعد تختار تطلع،. قاعد تاخذ أحلى شيء، أحلى الموجودين. اللي يقول لك "الله، برافو. أي، انا معك"،. "انا بعد، والله انا بعد نفس الشيء صار". "وانا يمكن مريت". "وانا مريت"، "وانا...". وانت قاعد تطلع، وقاعد ينزلون هذيل الـ...

ماأدري شو أسميهم. بغض النظر عمّا يقوله، ولكن الأسماء لا تناسبه. أي. مثلاً، بعكس خلاص. بلف لفة ثانية جذي. التمثيل كيف وصلتي. عشان أعرف وصلتي قلتِ 14؟. أيه،. كنت نايمة عند صديقتي بيوم من الأيام. اسمها ريموندا، نزين؟. صديقتي كانت يعني وايد جذي متحررة وعارف.

"أبى أطلع الله أبي أعيش هالحياة.". أيه، هي وعائلتها وجذي. حتى احنا متحررين بس مو هالكثر يعني. المهم، فنمت عندها،. شفتها الصبح جذي قاعدة تسوي شعرها. وهي شعرها مجعد جذي لهني عرفت هذا... كأنه فيلم المشاهد الحين أتذكرها كأنها فيلم. فأنا بطيت عيني فلقيت الكبت مبطن وهي عرفت. قاعدة جذي وتسوي بشنطتها،. أقولها "ريموندا أنتِ وين رايحة؟". كانت تقول لي "عندي تصوير؟".

قلت لها "شنو؟ شنو تصوير؟". قالت لي "فيه مسلسل بصوروه. وأنا هأطلع فيه كومبارس.". قلت لها "كومبارس؟ أنا بعد أبي.". كانت تقول لي "يلا طيب،. قومي البس سهل، قومي البسي وتعالي معايا.". فقمت أنا لبست، طبعاً. ولا مخلوق في الأرض يعرف أنه أنا الحين بسوي هالخطوة. وكنت عارفة أنه أنا ما رح أقول إلا لما يعني أوقع العقد. أنا عارفة كل هالتفاصيل لأنه من كثر ما أقرا. مجلات أنو شنو بيصير والخطوة الأولى.

رحت هناك وصلت فشافني المخرج،. كلمني قال لي "تعرفين تتكلمين كويتي؟". قلت له "أي أعرف.". "أوكيه، نحن نبيك هني بالمسلسل.". أول شي طبعاً سألني "شنو جاية تسوين هني؟". قلت له "كومبارس.". قلي "لأ أنتِ ما رح تصيرين كومبارس،. أنتِ بعطيك دور صديقة البطلة بالجامعة." وما أدري شنو... أنا طبعاً قاعدة أقول... ما في ولا كلمة بس قاعدة أقول. "شنو هذا؟ شنو هذا اللي قاعد يصير؟".

"هذا صدق، هذا مو صدق؟ هذا حلم، هذا مو حلم؟". بس أنه يعني أنا أوكيه أي شي، أوكيه حاضر. كان ينادي وقتها هيا عبد السلام كانت مخرج منفذ،. كان يقول لها. "هيا تعالي لو سمحتي عطيها النص.". "جهزيها، لبسيها، حطين لها الذهب،. خليها تكون بنت جذي من الزمن السبعينات.". طبعاً ريموندا ما أدري وين راحت لليوم. كرهتك. ما أدري ريموندا أهلاً، ما أدري والله، ما أدري وين راحت. وبعدين شنو صار؟.

-أي بدلت ملابسي... -تخيلي نحصل ريموندا بعد هاللقاء، والله عادي. أنت... والله العظيم من هاليوم أنا ما أدري هي وين. بنحصلها. -أيه، أيه لازم. -معلش. لازم أخلي... هالبرنامج ترا عنا تاريخ نحصل ناس والله. نزين وبعدين حفظت وأنا قلت. "ليلى لازم ما تغلطين، لازم ما تغلطين بالمشهد وتعكين.". ويسوون أكشن وتالت مرة، رابع مرة، خامس مرة.

والناس... الممثلين يسوون "أووف. يلا خلصينا.". فاهم؟. هذا كله في مخي أنه مستحيل يصير،. شدي على نفسك، احفظي النص وسوي. أحلا أداء عندك. وصلت، أول مشهد مع منو؟ مع محمود بوشهري،. -زين، من أول... -أول مشهد بحياتي. أوكيه. المهم فوقفت أنا وأتذكر الحوار. "أيش تبي فيه هذا الفقير وعائلته المقطعة اللي أول.". "اللي ما عنده غير عالنعال اللي يجي فيه عالجامعة".

"أنتِ ترا بنت عز وبنت فلان. شنو طالعين له ولا تدرين عنه.". وأنا بنت عز وهي بنت عز. وهي تحب واحد فقير يعني. المهم، فخلصت المشهد من أول مرة تمام، أخذوا المشهد،. محمود البشيري اطلع فيني جذي قلي. "والله أنتِ شاطرة، أنتِ رح تصيرين نجمة.". وراح. وخلص المشهد وسويت كم مشهد يعني. المخرج بعد المشهد الأول قال. "خذوا رقم البنت هذه.".

خذوا رقمي ولمن كنت أجي وما أدري شنو أمثل. قال لي المخرج. "أنتِ نجمة المسلسل الجاية رح تصيرين البطلة.". أنا اللي أهلي ما يدرون طبعاً للحين. بعدين لما كنت بمثل شوي شوي بنفس المسلسل. تأكدت أنه قاعدة أسوي مشاهد وبينعرض، لازم أبلغ،. لازم أقول. فبعدين قلت لهم لما تأكدت أنه الموضوع صار،. طبعاً صارت معارضات من أهل الأبو. أهل أبوي وأنه "شلون بتصيرين ممثلة؟".

"وفكرة الناس عن أنه الممثلة مهنة غير شريفة.". وأنه هالخزعبلات والخرافات والتحدي. وطبعاً صارت وايد يعني أمور، لا يدشون علينا،. يطبقون الأمور هذه، الله يسامحهم. شو ما فهمت هالنقطة، "يدشون علينا" منو؟. -يعني منو ما يدشون عليكم؟ -أهلي أبوي يعني كانوا... بسببك أنتِ؟. أيه أكيد يعني أنه أنا ممثلة وأنه شلون سويت جذي وأنه يعني.

-الأمور هذه ما تليق فيهم كعائلة... -أنه عار. أنه عار وأنا أشوف أنه لأ. غلبتِ؟. أيه. وأهلك معاك؟. أيه. حلو. ها اللي أقول حق أمي وأبوي. "خليكم معاي، أنا عارفة المركب دي هتروح فين.". "خلكم معاي.". أيه، فأبوي كان يعني أول الـ... الدافع...

الدرع. يعني المدافع والدرع وأمي وأخوي وأختي. لأنه أولاً يدرون أنا شخص مو أناني،. فيدرون أنه أنا إذا بيوم من الأيام صار عندي فلوس ولا انشهرت ولا اشتغلت،. يدرون أنه كلهم رح تصير حالتهم المادية زينة،. وغير أنه أنا تخليت عن الدراسة عشانهم. أنتِ ما خلصتي مدرسة؟. لأ، ما خلصت، أيه فـ... سؤال، أنتِ سويتي هالدور الأول،. هل كنتِ عندك أي تجربة.

أنه في البيت عالأقل تدربين تمثيل من كثر ما تشوفين أفلام؟. - لأ، ما أدرب بس... -زين، كيف زبطتِ جذي؟. والله ما هو... هل بس هي في مخك أنه لازم أزبطها. -ولا لأ أنا أجلس قدام المراية دايماً كنت أسوي؟ - لا، لا، لا. مو قدام المراية يعني أنه تمثيل جذي بس بمخي داخل كله هني. أيه، يعني أنا يقولون... وأول مرة طلع... -أول مرة أسأل محمود. -من هني لهني. -أيه، أيه، أول مرة، -واو! أسأل محمود كان واقف محمود يطالع جذي. أتذكر والجزء الأول كان "ساهر الليل" الجزء الأول،.

"الساهر الليل" الجزء الثاني. أنا كنت البطلة حبيبة محمود. -أوكيه. -أيه،. فكان يقول "تذكرين لما كنتِ تجي...". "كان يسميني ليمونة. لأنه راسي كان يشبه الليمونة يقول. ذكرتيني بشي. شنو؟. كنت بسألك الليمون ومعجون الأسنان،. أيه. شو موضوعهم؟. هذا ما أدري شلون انتشر.

هذا أول قلت لك لما فتحت تيك توك، قلت لازم أنه... أقول حق البنات. أنه لازم نتجرد من كل هالأشياء اللي ثقلوها علينا،. لازم شعرك طويل، لازم تكونين بيضا، لازم... علامات الجمال هذه اللي هم اخترعوها بمخهم. وصار في ضغط زيادة على البنت،. ترا لدرجة أنه لازم هني يكون أبيض وهني يكون أبيض.

والكوع والما أدري شنو ولازم... هذه تفاصيل لو البنت هي مهتمة فيها بكيفها، تسويها من غير أي ضغط. لأنه نحن عموماً كلنا احنا البنات مهتمين بعمرنا ونحب عمرنا. لأنه أحس هذا شي فينا جذي فطري،. بس لا تجي أنت تغصبني أو تحطه كمعايير. لا تقول لي لازم الرموش ولازم الخشم. ولازم الشعر أسود طويل.

كبنت مولودة عندها ثعلبة أو بيصير عندها ثعلبة. أو يمكن بنت مولودة عندها ركبها سودا، سمرا، أي شي، أي شي،. في وايد أمور، يمكن معها أمراض معينة ترا. -يختلف كل شي بجسمك يمكن بشرتك... -هو معايير الجمال تتغير. -وعلامات... أيه، يعني... -يعني ما فهمت. خلتينا ضغط هذا وايد قوي وثقيل. الناس كلها "تافه، شدعوة.".

لا، لا، لا، لا مو تافه، لا مو شدعوة،. يعني لأنه أنت بضلك تشتغل تصير على نفسك وتحسن من نفسك. الصجية اللي داخلك، أنت قاعد تشتغل بس على الشكل اللي برا. والشكل اللي برا ما أعني فيه بس باللبس والمظاهر. لأ، لأ حتى يعني أبى أروح... هوس،. أنا صار عندي هوس التجميل. مرة يقولون لنا أنه خدودنا جذي حلوة،. مرة يقولون لنا شفايفنا جذي حلوة،. مرة يقولون خشمنا ما أدري شنو،. مرة يقولون حواجبنا... تعبت. متعب لأنه ضغط ضغط وكل شوي المعايير تتغير،.

يحطونها ويشيلونها. وما في رضى داخلي،. خصوصاً إذا أنت بعد يعني مشهور وبعمر المراهقة بهالـ المجال هذا. فيصير في عليك ضغط. أنت حلو، أنت مو حلو،. أنت حلو، يتغير. وخصوصاً أنا كبنت يعني كل هذه المشاعر تتغير داخلي. وبسرعة يصير عندي خلل في ثقتي بنفسي. يوم تطلع وحدة حلوة ممثلة يقولون.

"أيه هذه الحلوة، هذه صارت كريهة.". "أوه هذه شوفوا شلون جسمها، أوه هذه جسمها صار كريه.". متعب ضغط، ضغط، ضغط. فطلعت قلت قصتي صدق. أنه لما كنا بالزوارة. وأنا لما كنت وايد شيطانة. وغير أنه كانوا يتنمرون عليّ أنه أنا أشبه الأولاد. وأنه "أنتِ أصلاً ما فيكِ ذرة أنوثة، أنتِ مو بنت.". "أنتِ أكيد الله مفروض يخلقك ولد. ويعني صرتِ بنت.".

هذه الكلمات الثقيلة فغير هذا ضغط الكلام. أنه يعني "ليش هذا؟ ليش كوعك وركبتك؟". لأنه أنا كنت كله ألعب وأزحف. ومغامرة يعني. هم ما يفهمون حتى أنه هذه بنت مغامرة،. هذه بنت رقيقة،. ما في تنوع. لازم كلنا نمشط شعر باربي،. كلنا لازم نفس الشي،. ما يدرون أنه هذا الشخص فضولي، هذه بنت فضولية،. هذه تحب تلعب بالسيارات،. هذه تحب تلعب بالألعاب،. هذه تحب تلعب بالكتب كل واحد وشنو...

فكنت جداً يعني كل حياتي برا بالحديقة وأحب أركض وأحب الكواري. فما أدري شنو صار بالشمس، ما أدري. "فشنو هذا؟. ركبك ليش جذي؟ ليش جذي سودا؟. أنه فركيها.". وأنا بس أفركها وأفرك معجون أسنان ما تم. وبعد هالفيديو،. كمية المسجات من البنات. أنه أمهاتهم يقولون لهم.

أنه أنتِ جيكرة،. أنتِ سمينة، أنتِ ضعيفة زيادة عن اللزوم. أنتِ منو بيتزوجك؟ أنتِ... المسجات. يا للصدمة! طبيعي المجتمع جذي، لا طبيعي، طبيعي،. والله العظيم طبيعي أنه... اللي تقول لي أختي، اللي تقول لي الأم. تقول حق أخت أنه "أنتِ جميلة،. تعلمي، شوفي.".

والأخت تكون قاعدة. "العمى بعينك شوفي شكلك، شوفي...". وتكتبلي ياه بالتفصيل،. والأم تكون يعني تشتغل في مركز. يعني المفروض ما يخولها أنه تقول جذي كلمات حق بناتها. لأنه هي مدرّسة. شلون؟. فالمشاركات هذه أو الفيديوهات اللي قاعدة أسويها،. تخليني اكتشف عالم كبير كبير كبير،.

وأنا معاه كل الدعم أنه الناس تشارك، أبيها تقول،. أبيها تتشجع، أبي أحسسها أنه كاه. أنتو تقولون أنا مشهورة. وإذا ممكن هذه السالفة تأثر عليّ ولا هذه الكلمة تأثر عليّ. ولا حد يقول لي "يا أم ركب سود". ولا أياً كان شنو الكلمة اللي يقولونها أنه. أخاف على نفسي،. ماني خايفة على نفسي. وهذه كلها أشياء عادية. تجردوا منها، حسوا، عيشوا،. يلا أنا معاكم بعد، يلا عيشوا.

لاحظت تعرفين ليلى شي عجبني فيك،. بعرف الناس متنمرين على هالشي بس أنا وايد عجبني،. تنزلين وايد أشيا بدون مكياج،. في مكياج ليلى وفي بدون مكياج ليلى،. وفي مكياج خفيف. وفي مكياج وايد وفي صفر،. وأنا إنسان يوم أشوف هالإنسان. جذي أقول هالإنسان متصالح مع شكله ومع نفسه. صح. وقريت شي. وايد لعب في مخي. وصدق استوعبت وضع الدنيا اللي نحن فيها. وفهمت شي أول مرة بقوله يمكن.

ولا ثاني مرة. بس أبى أشاركه وأنتِ اسمعي وتجاوبي وياي. نحن اليوم منولدين في عالم وين؟. البنات عندهم أدوات... عشان أول مرة بقولها جذي فأبى أجيبها صح. من أول ما ننولد كرجال، خلينا احنا ناخد منظور الرجل،.

أشوف مجلات، أنا كطفل ما أستوعب أنه هالمجلة. البنت اللي على الغلاف ما حاطة... مسوية فوتوشوب بس ما أعرف،. أنا جاهل أشوف "أه جميلة.". أشوف فيلم، الـفيلم فيه فلاتر، فيه مكياج،. أشوف بنات في المول كامل مكياج،. أشوف بنات عالـ وسائل التواصل الاجتماعي فلتر مكياج،. فأنا كولد. مبرمج بمعايير خاطئة وغير دقيقة. لجمال المرأة. من الدنيا اللي نحن فيها، من الصور على الشاشة.

للبيلبورد، للمجلة، للبنت اللي عالـ وسائل التواصل الاجتماعي، للبنت اللي أجلس وياها. 100%. فأنا مهيأ أول ما شوف علامات تمدد الجلد، سيلوليت،. -عرعرة. -أيه. أول ما شوف جذي... أيه. وما تقدرين تلومين الولد عشان... - لأنه هو مخه تبرمج على جذي. -مخه مبرمج أنه هذا حلو. حتى يوم تشوفين وحدة وايد جميلة ومعروف عنها وبعدين تروح... أنتِ بس شفتيها في الأفلام. وبس شفتيها في مجلات خلي نقول في هوليوود،.

بعدين رحتِ مطعم وشفتيها جالسة،. أقول هي تعى غير يا أخي، أنت شفت كيف شكلها صدق؟. أيه. فأنخذل وأزعل. فالرجال العادي. اللي تزوج وحدة وهالمعايير الخاطئة في مخه،. أول ما يشوف أنه والله طلع عندها علامات تمدد الجلد بعد ما جابت أولاد،. "شو ها؟". -مب متبرمج أنه ترا ها شي عادي، طبيعي يا أخي. -طبيعي. شلت مكياجها.

-"ليش جذي شكلها؟" -ويصير هو يبدا بالقطات. "تجي شو... تجي لك مثلاً سلمى. -تسير وياها سلوم هاهاها." ما... أيه. -بس شو الخطأ وين؟. الخطأ في المنظومة والضغط النفسي اللي على هالبنات. اللي مب قادرين يفتخرون ويرتاحون من هالإعلام. ومن هالمعايي راللي غير واقعية عن إنسانة. فأنا لو بنت صغيرة عندي عمرها 12 سنة.

وتشوف كل حد حولها. وكل المجلات وايد أجمل عنها. حسب معايير الجمال الحالية،. تقول "أنا شو فيا؟". أيه. "لازم أبى تمي أكثر، غلط ما يستوي أبى تمي طبيعية وضعيفة.". -لأ غلط، -صح، صح. فهي عمرها 12 سنة بدت تشك في نفسها. تعرفين من الفالتين من كل هذا؟. الأولاد، ليش؟. ليش أنتِ يوم تشوفين واحد عنده تجاعيد. تقولين "والله رجال.". أيه. عشان نحن ما عنا فلاتر،. -ما عنا معايير، ما... -أيه، ما حطو عليكم جذي. ما حطوا علينا هالضغط،.

ما عنا فلاتر ومكياج والفوتوشوب الزايد. رجال يصور سيلفي ينزل. -ما يهمه، ما يهمه. -وحلو،. -أيه، وحلو. -حلو أنه الرجال. -شعره أبيض وعنده قص هني. -يكون جذي عنده أشياء. -وعدوة بعد إذا عنده يعني تجعد مثلاً. -عشان جذي تشوفينه،. عشان جذي الرجال تشوفينه برا الـ وسائل التواصل الاجتماعي. تقولين "نفسه شكله.". -أيه، نفس شكله. -ووسيم. الحمد لله طلع وسيم عشان ما عنده... ما في هالـ... بس أنا كالحين شنو السبب؟. شنو السبب؟. اللي أنا أشوفه؟. أيه. الفلوس. -الفلوس؟ -العمل.

-العمل لأنه البنات... -يعني لو أنا أشكك كل البنات. -في الدنيا... -أو القوى الشرائية عندهم. -أو القوى الشرائية عندهم أقوى؟ -مكياج عندك صناعة المكياج. عندك صناعة وسائل التواصل الاجتماعي. تجميل. عندك عمليات التجميل. -العادات، منتجعات الصالون. -"جسمك مب حلو. مو تحتاجين تسيرين النادي الرياضي. سيري سوي عملية.". -أسرع. -كبري، كبري، كبري، ضعفي، ضعفي... فأنا كعمل. ما أباك أنتِ تكونين كمرأة مرتاحة. أنا كعالم مو مجتمع،. كعالم لازم أشكك أنتِ في نفسك،.

أنتِ مش جميلة إلا... إلا لو استعملتِ هالمكياج،. -إلا لو استعملتِ هالتطبيق حق التطبيق تسوين شوي فيه جذي، -أيه، أيه. -حلو. -إلا هالكريم، أيه، أيه. فالحين ليلى تنزل صورتها بدون مكياج أنتِ أكبر صدمة في الدنيا. وأنا مش مستغرب، أكيد هم عشان الدنيا كلها مزيفة. عدت تدري لما حطيت الصورة. -اللي هي كانت قاعدة أسوي تحدي حمام الثلج -أيه، شفت. أيه وكنت مستأنسة، مستأنسة. -طبعاً هذا شي غير حياتي بعد من أشياء. -عندي iحمام ثلج ترا. -لا؟ -ثلاث مرات في الأسبوع.

ثلاث مرات؟. أوكيه وناسة. صدق وايد حلو. والله العظيم ولا %1 بمخي أنه في أحد ممكن يتنمر أبداً، أبداً،. ما حطيت ببالي أبداً. نزلت الصورة وقعد أكتب أنه أنا شقد مستأنسة. وأبي الناس تجرب هالشي. واللي خايفين يعني لا تخافون جربوه. قاعدة أتكلم عن تجربتي وشعوري. وماسكة صحن ما شآكل،. كان وايد جذي الأكل الصحي،.

فما حطيت ببالي أبداً أبداً. نزلت الصورة. وما شفت نفسي %1 أنه أنا مو حلوة،. يعني قاعدة أشوف نفسي أنا ليلى. السجية الطبيعية اللي بوجهي مي ومستأنسة. لما نزلت الصورة. واللي يقول "وجهك وجه حصان.". "وجهك وجه كلب.". "شنو هالوجه؟". وحدة كاتبة شنو؟ "العمى بقلبك ليش موحاطة فيلتر؟.

خوفتينا.". الصدمة أنه. "أنتِ شلون منزلة هالصورة من غير فلتر؟". قعدت أراقب الوضع أسبوع أو ما أتذكر خمسة أيام،. خليت، خليت. طبعاً التعليقات صادمة ويعني جارحة. فقعدت أطالع، أطالع،. بلشت الأكاونتات تحطلي صور. وسووها قضية،. قلت والله الواحد يصير رائج وهو حمام ثلج.

والله مو على باله ولا يعني فاهم ليش. وقاعدة أطالع البشر، واللي يدشون ناس يدافعون أنه هم معها أنه. "لأ الواحد ما يحط فيلتر.". واللي يقول لك "لأ، هم عودونا يحطون فيلتر،. شو اللي غير؟". واللي واللي، كلام، كلام... قلت يا عمي نخلص الموضوع، لحظة، لحظة فيه... أنتو مو مهمين وأنتو مو مهمين،. في بنات صغار.

يطالعون خافوا أنه تنزل صورتها طبيعية،. يعني أنا هذيل ترا اللي يهموني اللي أنت الصغار اللي... يعني... عادةً إنسان عندك قوة الكلمة. وقوة التأثير والرسالة فيعني يخاف الله فيها،. قلت هذيل تحكي عليهم ليلى. طلعت تكلمت بفيديو أنه. "شنو أنت شو اللي زاعجك إذا أنا أحط فيلتر ولا مو فيلتر؟". إذا أنت عينك مو متعودة أنا لا تفرضه عليّ.".

"أنا إنسانة متصالحة مع إذا أنت تشوف عيوب. أنا ما أشوفها عيوب.". يعني أنا ما أشوف الهالات السودا عيوب،. ما أشوف التشققات، علامات تمدد الجلد، الأياً كان، أياً كان. يعني أنت لو تشوف أصلاً الناس اللي أنا أحبهم بحياتي. كل واحد مختلف،. ما عندي معايير للجمال. إن كان سمين، طويل، كذا، ما عندي، ما عندي... ما أحب أنا هذا لأنه أنا دشيت فيه،.

أنا كان عندي اضطراب تشوه شكل الجسم، كان عندي وايد مشاكل. ترا مرت عليّ فترة رحت وأنا صغيرة انجرفت نحو أنه أنفخ شفايفي،. بعدين طلع فيلر دائم،. بعدين تورطت، بعدين صار مادة مسرطنة،. بعدين اضطريت إني أسوي عملية أشك شفايفي كلها. عشان أشيل شي هم قالوا لي أسويه. فلأ، لأ، لأ، لأ، هذيل البنات أنا ما أبي يصير فيهم جذي. -وخصوصاً أنه فئة الـ 12 خلينا نقول للـ 30 يتابعوني، -صح.

تعالوا، تعالوا أنا انجرفت، أنا سويت هالغلط. تبين تسوين؟ كيفك. هو مو أنه يعني لا تحطين مكياج. ولا لا تسوين شعرك ولا لا تصبغين ولا لا تسوين،. سوي اللي أنت تبينه،. مو فلانة قالت لك حلو ولا أشوفه عليك. ولا شفتيه بمجلة. ولا شفتي كيندال ولا بيلا ولا... كل وحدة حلوة، كل وحدة حلوة هي بشكلها بمعاييرها.

فلما... وأنا وايد أحب العارضات عشان جسمهم،. أقول "يا ربي أنا هذا هو الجسم اللي أنا رح يخليني آخذ إعلانات أكثر.". "يا ربي هذا هو اللي بخليني بالمسلسل شكلي حلو. لازم أكون ضعيفة.". شنو؟ وطبعاً هوس الميزان يصير،. كلما تاكل توقف عالميزان، أيش صار؟ أيش صار؟. -باشر أنام أقوم... -ما باخذ حجم ضخم المرة الجاية. ها؟. المرة الجاية ما باخذ حجم ضخم ماكدونالدز يعني.

وطبعاً وتوتر لا ما باكل جذي ولا ما بسوي جذي. حطوا لك معايير الحين قالوا لك لا والله،. -غيروه. -شفت التجميل اللي سويته؟. -منغيره. -شيله. إنّه عمل،. منرجع للموضوع عمل. لازم الواحد يكون عنده هالوعي. والطفلة اللي عمرها 12 سنة ما عندها الثقة في نفسها. والتصالح الذاتي أنه تقول. "لأ، خشمي حلو.". ما عندها، تحتاجين وقت عشان تقولين... أوكيه، لو أنس اللي كان...

خلي نقول 10 سنين. وخشمي وايد طويل، أنا أصلاً خشمي طويل،. بعدين قالوا "طع خشمك،". ما أدري "بينوكيو.". مثلاً وعمري 10 سنين وكنت... انقال لك بينوكيو؟. -لا، أنا الحين طلعتها. -أوكيه. أوكيه، بس خلي نقول... أنا من الجيل اللي ما كان في وسائل التواصل الاجتماعي. في طفولتي فنجيت. أيه. بس لو عمري 10 سنين. ونزلت صورة وخليه نقول جذي. وشافوا خشمي وقالوا. عالأقل 4 قالوا "طع خشمك، طع خشمك كريه، روح سوي عملية.". -رح تسويها. -وعمري 10. حتى لو ما بسوي، أنا شاكك في نفسي،.

حتى يمكن ما اتصور بعدين جذي. أقول أنا لأ دايماً أسوي جذي، لأ،. بديت أشك أنا مب واحد واثق من نفسي للحين. ما قدرت أوصل لمرحلة أقول. "يا أخي خشمي كيفي، طويل أنا أباه جذي، أنا عاجبني.". هذا اللي عمره 12 ولا عمره 13 ما يعرفون يقولون هالشي. أنا اللي بعد من اللي ليش خلاني أو ليش صار جذي عندي تصالح عالي،. موقف صار بوقت ما كان عندي مسرحية.

فبعد العرض أتصور مع الجمهور،. ما في طفل ما صور. بكاميرة السناب وحط فيلتر،. وسريع يعني أنا أطول. "يا ربي هذا حلو مو حلو.". هو لأ، عارف فمسيف فيلتر. وإذا مو فيلتر البنت تسوي جذي،. والله العظيم تسوي جذي تخش خشمها وتخش وجهها وتصور جذي،. أقول لها... فأنا ألف أقول لها "شقاعدة تسوين؟". تقول... "أنا لأنو بحب أحط فيلتر.

" فهي أنو "أنتِ مو حاطة فيلتر." تسوي جذي،. أقول لها "أنتِ حلوة، أنتِ حلوة من غير.". وعلى مدى 10 أيام وباليوم كان عندنا 4 عروض،. كم شخص كنت أقابله يعني 4000 شخص، 5000 شخص،. من الصغار للكبار هالأعمار هالـ المدى هذا. الكل فيلتر،. أنا صار عندي دج. لا، لا، لا، ليلى.

الوضع مو طبيعي، الوضع خطر،. فقلت اليوم. وأنا أصور معاهم قلت "اللي يبي يحط فيلتر رح أقول له لأ.". أنا نفس الشي، ما أرضى. -أيه، أيه، قلت لا لا... -ورود على راسي ليش؟. أيه. حاطين هذا ليش؟ شو أبى فيه؟. -وعيون مسحوبة. -ورموش ليش؟. ولا يهمني،. حتى يوم ناس يصوروني يقولون. "تبى تشوف صورتك؟". "ما يهمني يا أخي إنشالله مشلق في الصورة.". أيه والله، أيه، هذا أنا احنا. -لازم نتقبل ترا. -أيه، في هالصورة ما طلعت حلو،. أوكيه. لازم 24 ساعة حلو؟.

ليش؟ وعندهم البوزات الجهة الجيدة. لحظة، لحظة... ليش؟. هدي ارتاح. وتقعد أنت عرفت طول اللقاء شافط. -بطنك تعبان. -وشو أجمل. ليلى أنتِ تعرفتِ على آلاف الناس. شو أجمل عن ما تجلسين مع شخص. مرتاح من نفسه؟. أيه،. -هذا اللي يترك تأثير ترا في قلبك. -أحلا شي. أيه، ها اللي تشوفين شخص جميل. بس كل دقيقة... شنو بكم شو فيه؟. والله لاحظت أجمل الناس أكثر ناس. -شاكين في نفسهم، -أيه، صحيح.

وأقول شو فيكم ليش جذي؟. أنتو حلوين. أنتو الله سواكم مب طبيعيين. بس ارتاحي، خليكي جذي،. -أيه، صح. -لأ. أيه. "شكلي حلو؟". شو صار. ليش شو فيك؟. عادي. أيه. المهم،. الشهرة على سن مبكر صعب ولا سهل؟. لا صعب،. صعب لأنه أنت قاعد تتكلم في ملايين هم القاعدين يقولون لك شو تسوي،. شنو تختار،.

وإذا اخترت يهاجمونك،. وعادي تقعد من النوم إشاعة. وأنت صدق ما سويت هالشي،. وفلان يطلع يدق عليك يقول لك... وأنت بيبي يعني. أنا أشوف أنو أنا بالتعش ما تعش هذه يعتبر الحين لما أقول أنا كنت صغيرة. عادي تقعد من النوم على فلان قاعد يصرخ عليك ويتهاوش عليك. يتهاوش عليك؟ يتهاوش معاك لأنه أنت تكلمت عليه. يقول لك "فهمت؟". وأنت "والله مو فاهم، والله ما سويت شي، والله ما سويت شي.".

-صعب. -فبتكبر في. وضع جداً صعب وضغط،. وأنت بس تبى تشتغل وتطلع فلوس عشان أنت وأهلك تعيشون بسلام. وتسوي فن حلو. هذا يعني كل طموحك،. بس أنت تبي الشهرة أكيد. بس ما تدري شنو التفاصيل الصغيرة. ولأنه طبعاً يقولون لك. "ما أنت تبى تصير مشهور،. أنت اخترت هالطريق،". "فلازم تتحمل.".

أنت قاعد تكلم... يعني شوف الأنانية ها في هذه الجملة. بعد بقول بعد فلسفي،. أنه أنت واحد يقولون لك تحمل كل هالملايين،. مو كل شخص يجي يقول. حق نفسه "حرام لا أجرح هالشخص هذا عليه ضغط وايد.". فهمت؟. يبونك أنت تتحملهم كلهم. بس أول من جاه تجرأ عليك ولا قال لك. ولا قال لك هالكلمة ولا جرحك ولا انتقدك.

ولا طلع عليك هالفضيحة ولا الإشاعة،. ما فكر أنه. "أنا لو أصلح نفسي أنا بصير زين.". هذا فاهمني؟. "يعني. أنت تحملني أنا والله هذا أنا.". خلي نرجع لأبسط الأقوال. "فليقل خيراً أو ليصمت.". أيه. بس طبق هذا. -بس تعيش صح. -لو أنت بداله،. ليش لازم أقول شي سلبي؟. هل هالقد أنت تعبان نفسياً. مب قادر إلا تفرز كل هالسلبة؟. غصب تكتب هالـ التعليق. يا أخي ما حد طلب رأيك.

ولو رأيك حلو حلو،. ولو رأيك حتى في انتقاد. ولكن بنّاء قول لي،. -قول لي، طبعاً. -قول لي أنا دوري في هالفيلم ما كان زين أتمنى... أو ارسل DM قول. "أنا بغيت اكتب عالصورة". -أنا أحب هالناس. -"بس أنا صدق شايف مسلسلاتك. هني ما كنتِ وايد زين.". أتمنى تكون صحتك زينة في هالفترة عشان حسيتك كنتِ مرهقة.". مثلاً. هذه نصيحة،. مب تكتب لي تعليق قدام الناس تعيب عليّ. عشان أنت إنسان مب متصالح مع نفسك. لأ ومانه مبرر أنه.

"أنتِ حطيتِ صورتك عالـ وسائل التواصل الاجتماعي. تحملي." لأ. أيه، صح. ليش تبرر تصرفك الوسخ هذا؟. أيه، وبعدين ليش أنه فكرة المشهور ملك الناس. شنو قاعد تقولون؟. شنو ملك الناس؟. وحياته وإذا هو عرض لك هذا الجزء بحياته،. هو قاعد يشاركك فقط،. ما قال لك اعطيني رأيك. بهالخيار يسوون ولا. خلي هو يعني... وخصوصاً لا الصحافة ترحم ولا الناس ترحم.

بعض الصحافة خلينا نقول عشان نكون يعني منصفة. لأنه ما ترحم، ما تقول "حرام. هذا صغير خلي احنا...". قلة ترا اللي كانوا يدقون عليّ. "يا حبيبتي، ترا هذا غلط لا تسوين جذي.". "ترا أنتِ الحين يعني أدري أنه أنتِ طايشة ترا.". قلة ولليوم ما أقدر أنسى لهم هالكلام هذا. أما اللي عرفت اللي ينطرك. "أوه سوت جذي، تعال، تعال، مادة دسمة.".

ويطقك وإشاعات وفضايح وأنت... ما يدري أنه أول يوم قال هالمعلومة،. ما يدري تبعات. يعني يطلع هو في فيديو ولا في مقالة ويكتب يكتب يكتب. ومو عارف أنه هو خلا ممكن 4000 شخص ولا 7000 شخص يسبونك. أيه. يعني وعباله أنه هو يعني "أنا بعد تكلمت في الحق.". أي حق يا أبو حق؟.

لا هو كتب فيك ونام،. أيه. أنتِ عندك تبعات الموضوع. جالس أشوف مسلسل افتراضي مسلسل عن كرة القدم. وفيه كاتب. طلب أنه يجي النادي ويدون كل... يكتب كتاب عن هالنادي. أوكيه،. يشوف أنه واحد من الناس اللي في الفريق ما يطيقه، ما يطيقه،. وهو مش فاهم يعني ليش هذا جالس يعاملني... يعني ناشف وياي.

آخر شي حصل فرصة قال له... فتح محفظته. طلع ورقة،. فتح المقالة،. قال له. "تتذكر هاللي أنت كتبته قبل... "الله أعلم خلي نقول 8" سنين؟". طالع جذي وهو ناسي،. كاتب إنه هاللاعب اللي هو. أيه. وما أدري. مثلاً ليش اشتروه النادي،. أضعف لاعب. في النادي بالحظ حاطينه هناك كذا كذا كذا. وانتقد. وهاللاعب اللي حكى قدامه. كان خلي نقول عمره 16 سنة، 17 سنة،.

قال "أنت..." قال "أنت كتبت هالشي فيّ،". "هل فكرت أنا واحد جاهل. أول مرة. -ألعب في نادي؟" -شو هالاحباط حبيبي. "في أول مباراة،. تكتب لي مقال. كل حد قطعني،". "كل حد ما خلا فيني شي.". حتى يمكن النادي بيتأثر المدير ولا المدرب كل حد بيتأثر،. الناس ينتقدون، الإعلام ممكن يهجم وراه. أيه، طبعاً، طبعاً. زين، أنت رحت نمت قلت. "هيه، أنا بس بغيت عنوان مثير.".

"أبى أكتب شي أنو الناس يقولون. "لازم أقرا هالمقال.". زين أنت مفكر جذي،. هل فكرت شو اللي بيستوي في الشاب الصغير هذا؟. لأ، ما فكرت. فكرت بمشاعره هلا فكرت بمشاعره فما يفكرون،. بس أنا شنو اتكسب؟. أنا شنو أنجح؟ أنا شنو يجيلي من وراه؟. أه هذا يخرع ترا، هذا يخرع. يعني ما أدري. لوين رايحين، ما أبي أكون وايد سلبية. بس أحب أنه أفكر وأشوف الدنيا وين رايحة،. فأدرس وايد يعني من شغلي بعد أنه أدرس السلوكيات، أدرس.

الضمير. شنو أنت حالة الضمير اللي تكون فيها. اللي توصلك لهالدرجة هذه أنه أنت تهدم شخص؟. شنو؟. أقعد أفكر يعني وايد أسئلة تجيني. أنانية. لو أنا بس في عالمي، وبس أفكر بنفسي. وأنا شو أشعر وأنا شو أبى أنجز. وأنا أبى أحصل ترقية.

وأنا أبى أكتب مقال إنشالله اكسر فيها 30 شخص،. أنا، أنا، أنا... أنا جذي ما جالس أفكر بأي حد ثاني،. أنا بس أفكر في نفسي،. توابع الموضوع ولا أفكر. أروح أتكلم على واحد عشان ينطرد عشان أنا أخد منصبه. أيه. زين، يمكن هذا ما كان... يمكن أول غلطة يسويها،. -صح. -تقدر تروح أقول له "ترا ما ينفع.". لا رحت خبرت عليه ورحت مليت الإشعار،. طردوه، كل أهله سافروا. عشان أولاده كانوا على حسابه،.

وأنا شو ترقيت على شو؟. بدل ما سير أقول له. "أنت موظف زين،. ترا غلطت في هالمرة." مثلاً. لا مافي هذا خلاص، أيه. ما أبى أقول خلاص. بس أبى أقول الضمير كلمة مهمة. -أيه، الضمير. -لازم نزيد... نزين لحظة أنا عندي خلاه. عشان ما أطول وأتفلسلف هيك لين باشر. شو كنت أبى أقول لك؟. شو تعلمتِ عن الزواج بعد الطلاق؟. شنو تعلمت عن الزواج بعد الطلاق؟.

أولاً، الزواج يجي من ضغط بعد اجتماعي،. وخصوصاً البنات المستقلات يصير عليهم ضغط. أنه الأفضل إنك تكونين متزوجة عشان أنتِ يعني تقدرين تاخذين حريتك. وتسوين الأمور اللي تبين تسوينها،. وهي ما في شي يعني بس أنه... تسافرين؟. أيه مثلاً بروحك، فأنت. فإذا البنت متزوجة أفضل تدرين كلام الناس.

وهالضغط هالضغط هالضغط. لا تسمع أو لا تنجرف وراء هالكلمات هذه. لأنه هي المصطلحات هذه تخليك أنه أنت تبي تتزوج. من غير ما تفكر. أنه أنا اليوم هل رح كون يعني زوجة صالحة. لزوجي وأولادي؟. هل أنا عندي الوقت أني أكون أم؟. هل أنا عندي الوقت أنه أبي أنشئ.

أسرة أخدم فيها المجتمع لآخر يوم بعمري؟. مو إني أجيب عيال ويلا أقطهم. أنا الزوج مو كافي أنه يحبني وبس. "تحبني؟". "أيه، أحبك.". "أيه، يلا نتزوج باشر.". لأ، لأ، لأ، في أسئلة مهمة ما نسألها. احنا نسأل. كم رصيدك في البنك؟. شنو وظيفتك؟. شنو عمرك؟.

وأسئلة ممكن أنه أنت تكذب عليّ فيها. لكن الأسئلة العميقة ما نتحاور فيها. قلة من الناس يتحاورون. لكن خوض خوارات وتكلم،. مو من القلب للقلب وبس،. تكلم من العقل للعقل. شوفي الرجال اللي أنتِ تبين تاخذينه وتبين تتزوجينه،. يحب يقرا كتب؟ هل هو مستعد إذا عنده مبدأ يغيره؟. هل هو واعي للحروب اللي قاعدة تصير بالدنيا؟.

هل هو مع ولا ضد نظريات المؤامرة؟. هل هو... شنو نظرته على النساء؟. شنو نظرته أو شنو علاقته بأمه؟. شنو صدماته بالطفولة؟. شنو... شنو الحدود اللي أنت يسمح لك فيها؟. هل اليوم أنت بتقول لي شي أنه أنا أسويه عادي،. باشر رح تقول لي لأ؟. قول لي الصدق يعني خليك أنت صريح وأنتِ صريحة بعد معاه.

حوارات وايد كبيرة،. شنو تعرف عن الـ العملة الرقمية؟. تعرف عن البتكوين ولا ما تعرف؟. هل عندك استعداد أنه تستثمر فيه؟. وين شايف نفسك؟. -صح، شو قيمه، أفكاره، -أفكاره. أسلوب حياة. أيه، أنت إذا في يوم من الأيام أنا شركتك نادي رياضي. تقوم من النوم ورح تروح؟. وبعدين الفكرة أنه أحنا لما نتزوج رجال. لازم نغيره. ها فكرة الفوتوشوب انسيه. أيه، لازم نغيره، "معليه عنده كم غلطة ولا كم عيب،.

عادي بعد الزواج يتغير.". ما في لا أنتِ ولا هو هذه كلها يعني كذب. تعرفين على موضوع بعد هذا حديث الساعة. قبل أسبوع هالكلام، كنا جالسين نقول. ليش وايد من رجاجيل العرب... بخص العرب عشان ملعبنا،.

خصوصاً أتوقع في عالمنا العربي. ليش وايد من الرجاجيل العرب يصادق وحدة يحبها. وجداً مرن وسلس وسهل. وكل شي عادي وطلعات وسهرات. ويسير ويجي ويسافر ويسوي الله أعلم شو يسوي،. ربيعته عادي. بعدين يتزوجها يقلب. فكنا نقول ليش يقلب؟. يعني مثلاً قبل. كانت مثلاً خلي نقول تطلع ويا ربيعاتها كل أسبوع يسيروا مطعم،. وعادي "حبيبتي استأنسي.".

زين. بعدما تزوج "ما تطلعين ويا ربيعاتك.". زين "أنت كنت نفس الشخص؟". -فكنت أفكر ليش هالانقلاب يستوي وايد ترا وايد؟ - 100%، أيه. سبحان الله،. فكنت أقول؟ جلسنا نحلل أنا وربيعي،. قال... قلنا... أه، أظن أنا وصلت لهالنتيجة،. أتمنى تكون صحيحة. عشان كل إنسان باني صورة نمطية ولا صورة عن ربيعتي، صديقتي، حبيبتي،.

وها التوصيف الوظيفي مالها. أيه. بس الزوجة في التوصيف الوظيفي. ثاني وتفاصيل ثانية وها الصورة النمطية للزوجة. فهني عادي. بس أول ما دخلت وظيفة ولا منصب الزوجة... استلمت منصب الزوجة تغير كل شي. "لأ، الحين ما يصير تلبسي جذي، ما يصير تطلعي جذي،". "ما يصير تسوين جذي عشان الحين المجتمع جالس يشوف بعد.". "والحين نحن أعلنا حبنا للدنيا. وأنتِ لازم تاخذين المنصب وتكونين بهالطريقة.".

هل اللي يندرج تحت الـ الحياة المزدوجة؟. فيه أكيد. -أيه يعني أنه المعايير المزدوجة -فيه أكيد عشان ها هالسؤال. لو أنت عادي عندك قبل المفروض يكون عندك عادي قبل. -قبل، أيه. -لو مش عادي قبل،. مش عادي بعدين بس لا تقلب،. -لا تقلب أنا هذا الـ... -لا تنافق. أيه، لا تنافق والتغيير الفجائي في المبدأ. اللي ما له مبرر وما له سبب،. أنا هني أبلش يخرعني أنه يعني عادي جذي. بس مو عادي الحين. -فاللي تعلمته... -ويستوي حتى حق البنات اللي أنتِ قلتيه،. -أيه. -تبى تسوي له تغيير،.

ليش تبي تغيرينه الحين؟. أنتِ كان عندك أوكيه قبل، كنتِ ساكتة. أيه، بس لأنها هي تحس عليها سلطة عليه بعد الزواج،. فأنه "أقدر أعدله وأقدر أغيره وأنا أحبه.". كل هاد طبعاً موروثات ومعتقدات خاطئة لو احنا أصلاً... بيوم من الأيام من الأشياء اللي أنا قررتها،. قلت أبي انسف كل الأفكار والمعتقدات. الموروثة من أمي وأبوي. ومن أي حد كان موجود في حياتي. قررت أنه أنا أنولد من جد وجديد،.

يلا شنو فيه جديد؟. تخليت عن كل شي وراي، كل شي وراي. قيمي اللي أنا أعرف أنه هذه هي الصالحة للمجتمع خليتها،. كل شي نسفته. الأمثال، الأحكام،. التأليف اللي كل 5 دقايق. أنت تقعد مع حد كله قاعد تسمع ترا، تسمع الناس شنو تقول، شنو تكلمك. فكله بينصب بينصب بعقلك اللاوعي موجود مبطن.

فلو كل واحد ينسف شنو هو مصبوب بأذنه من غير لا يفكر. ما أنت اللي يقولون لك ياه وتسويه من غير لا تفكر. لو شوية يقعد مع نفسه. ويتخلى عن هذا. ويقول... أنا تعرفين أحب أفضى... خلي نقول في مخي ومخك ألف مقولة،. حكم عن الحياة. وناخذها ونكررها تلقائياً. مب بلازم بس يكون نسف. ولكن قيد الدراسة،.

يعني أنا أقول أوكيه هالمقولة تقول. مثلما سوينا اليوم،. "كل يرى الناس بعين طبعه.". أه، كل من يرى الناس... زين بس هذا مب كان جذي. بديت أحلل،. يمكن أقتنع يمكن أقول المقولة جميلة. تطبّق لي،. -مؤمن فيها، -مؤمن فيها. أحبها،. بس لازم تأخذ هالـ التمرين هالتمرين اللي أنا سويته هي. 100%. أنه بس تحلل ويمكن تخليها.

تقول "أه الحين أخليها، حلو. -عجبني، هالحكمة حلوة." -تلزمني،. -لا الحكمة أنه ولا شوف شغالة. -بس مثلما أنا قلت لك هالحكمة خلي نغيرها شوي،. كل من يرى الناس بعين طبعه ولكن... -من أطباع اللي حوله. -أو أطباع اللي حولك. أوكيه، أنا وأنتِ غيرنا اليوم شي. أيه. مب بس كررنا. مب بس كررنا ما هو هذه المشكلة ترا. إنك أنت تسمع من غير لا تفكر وتطبق. زين شوفها شلون وقعها عليك، على حياتك،. على اللي حولك،. على إذا أنت اللي قاعد تسويه صح ولا غلط. ولا بس اسمع وأسوي وخلاص ويلا وما...

بتصير خلاص كلنا يعني... ولمن أنت تجي تقول ولا تبي تفرض أو تقول رأي ثاني. "لأ، لأ، ما أبي اسمع، ما ابي اسمع.". لأنه أنت هددته. صح. إذاً تلكمنا عن شو تعلمتِ عن الزواج،. شو اليوم مفهومك أنتِ عن الحب؟.

والله مفهوم يعني وايد بحر كبير. الحب أحس أنه هو ما له مفاهيم أو قوانين. كل واحد يقدم اللي هو يقدر يقدم عليه من غير ما أنه يحس أنه. شي ثقيل يضحي فيه. يعني لا تسمع قصص رومانسية لأجل الرومانسية.

أبى أطبقها وبس وأنا مو فاهم شنو أثرها عليّ. الحب فيه عطاء كبير،. لكن مو تجي على نفسك. ولمن تقدم أنا أقول هني نفسك مو أنانية،. أنه أنت عارف المصلحة الـ... أو عارف أنت.

شنو تعطي حق هالشخص. وشنو تأخذ منه من غير ما يجي يوم من الأيام تتمنن عليه،. يعني من غير ما يجي يوم وتتمنن عليه. وبعدين فكرة إنك أنت من البداية إنك أنت شلون تختار الشخص هذه... هذه حلوة تعجبني، شلون تختاره وبعدين ترضى فيه بكل شي. وترضى بعيوبه قبل إيجابياته،. وإنك أنت تندمج معاه،. تحط عيوبك وعيوبه بالخلاط...

جذي كوكتيل حلو. كوكتيل حلو يطلع آخر شي. ولازم الشخص اللي أنت ترتبط فيه تكون... تكون عندك قناعة في عيوبه،. تحبها مو تحبها كذب، تحبها تحبها. متصالح معاها. متصالح معاها وتحبها. ولازم تقتنع أنه الحياة مشاركة. وأنه أنت بهاليوم... هالإنسان أنا أشوف أنه أي إنسان أنا أبي ارتبط فيه. من اليوم الأول. أو من الدقيقة الأولى.

أعرف أنه هذا بكون زوجي ولا لأ. ما عندي يعني أدخل في علاقة وبعدين أختبر الإنسان. لأنه أنا يعني مثلاً علاقاتي دايماً تجي من أنه صداقة تكون في محيطي. أو أكون عارفة هالشخص مو أنه... وإذا طلع هالشخص هذا. يعني خلص رح أعرف أنه إذا أوكيه ولا مو أوكيه،. ما أضيع وقتي واطلع جهدي. وأقعد سنين أبني بهالعلاقة. لأنه هذا أنا شي مريت فيه وندمت يعني.

أنه مو ندمت، ندمت بوقتها. بس أنه تجارب. أنه أدخل وأتعب وأحط كل جهدي إني أبي أغير. وإني أبي أودي العلاقة لمكان زين. وأنه لازم يصير فيها زواج وهي من البداية ما فيها،. ما تناقشت أصلاً. أيه والله. فأنت تقعد تحط. طاقتك وتنسى شغلك وتنسى كل شي. وتلحق هالشخص وهالشخص يلحقك. وبعدين أعرف منو الـ السام وأعترف إذا أنت كنت الـ السام،. وإذا حابب هالشخص.

ولقيت إنك أنت قاعد تطلع هالسموم. قول له "عادي تعطيني شهر وارجع لك؟". كون جريء يعني إنك تقول له. أرجوك، عطني بس شهر وارجع لك.". وروح نظف، عدل وروح لا تطلع. سمومك عليه،. لا حرام لا تعقد ولد... ولد الناس. عنا الـ لعبة الورق؟. عطوني. خلي أغير. عشان ما تفرز سمومها عليّ.

أوكيه، هي بعطيكِ منها،. -حبيت. -بس هذا بنسوي أنتِ ونصيبك،. أنتِ اخلطي. أوكيه. أوكيه، وأنا بختار بس الورقة الأولى. أوكيه. -نشوف أي سؤال يطلع. -وأنا أسألك؟. أنا بسألك. -ما يصير أنا أسألك أنس؟ -أوكيه، بنسأل واحد واحد،. لا تتفلسفين وايد. لحظة... ماذا كانت وظيفة أحلامك عندما كنتِ طفلة؟.

لحظة! -شنو؟ -فري ها،. هذا أسلوب الجواب. -"كن صريحاً". -أيه، يلا. كنت أبي أصير طبيبة تشريح جثث. أوه! أيه. ليش؟. حب الفضول اللي قلت لك عنه أول شي. شو تدورين داخل جسم الها؟. كنت أبى أعرف يعني أنه الإنسان من شنو يموت. وليش يموت. -وهالتفاصيل. -عجيب! سؤال قوي. يلا الحين أنتِ خذي الأول.

-أيه يلا أنا أسألك. -أنا أخلط، أيه أنتِ سأليني عشان خاطرك. لحظة خليني أجيب هذا. أيه، صح. تمام. -أنت يعني... -أنتِ تسألين، أيه. -أنا أسألك؟ -أيوه. يلا. ما هي أكثر ذكرى عائلية عالقة بذاكرتك ولا تُنسى؟. ‘Be honest.’. بعد "كن صريحاً" كله كذابين ولا شو؟.

أكثر ذكرى عائلية. في مخي جذي كم واحد جذي مر. في الطفولة أظن ذكرت،. ما اعرف إذا ذكرته والله على ABtalks# ولا لأ،. بس في ذكرى. عشان جذي لاحظت الروتين وايد مهم حق الأطفال،. أبويا الله يحفظه دايماً كان يوم الجمعة قبل الصلاة. يودينا البحر. ومرات كنا نشتري ها التيوب من البقالة.

اللي على شكل حيوانات. تحطين رجولك فيه وأنتِ تسوين. فيوم هو يعني يلا بكون كريم ويانا يقول. يلا هالمرة بنشتري عوامات سباحة يسمونهم تيوب،. فكنا نشتري. عشان نحن هالصغر الموجة تحسينها هالكبر،. فجذي نحن عالموج والموج تحصلينها عصغر الموج. -أيه، نفس وقتها. -ونحن أنه جذي. ونتقلب، تعرفين؟. فهي شي دايماً ببالي. -أوكيه، حبيت. -حلو كان. في مرة غرقت؟.

لو غرقت ما بكون جدامك. لأ، يعني غرقت. وأحد طلعك؟. لا ما أظن، ما أتذكر. بس ما أظن. بس أعرف شو قصدك. عشان وايد يستوي في الأولاد. بيي حد لازم يساعدهم. -أنتِ شكلك استوى لك. -أيه وايد. -وايد بعد. -أيه. بالغلط طحت. لا بس هم نفس سالفة الموج هذه،. حلوة، حلوة. زين. قولي لي يا ليلى. سؤال جد،.

سؤال جد هو. شو أكثر شي مؤلم ولا جارح حد قال لك ياه. وما تقدرين تنسينه لين يومك؟. كان في شخص يعني أحبه بحياتي. وبعدين لمن قلت له أنه. "يلا يعني متى تتقدم لي؟".

كان يقول لي. "لأ، أنا ما اتشرف إني آخد فنانة.". ومن هني أنا صار عندي أنه صدمة الحياة. لأنه شخص يحبني مفروض وأنه يعني. أنه مبين أنه هو بيتزوجني بيوم من الأيام، يعني مبين. يعني بعد شنو ترا هي مو شرط تنقال هي تنحس،. يعني أنا على مخي قبل. بس لا لازم الحين تنقال. فلمن قال لي جذي انصدمت.

فانكسرت يعني وقتها،. قلت له "أوكيه، تمام،. صح.". وبس بعدها اختفيت. سويت له بلوك من كل مكان واختفيت. بعد هاليوم؟. لليوم. بعد الحظة اللي قالها؟. بعد اللحظة أيه،. وما حسسته أنه أنا يعني رح اختفي من حياته. بس اختفيت. وبعدها كل القرارات الخاطئة. اللي كانت تصير بعلاقاتي.

بناءً على يعني إذا أنت حب حياتك. يقول لك. أنه ما يتشرف. أيه،. وقالها من غير ما في إدراك لأنه ممكن إني أجرحك. أو أنه والله مو أنا اللي أفكر جذي. أهلي اللي يفكرون جذي أو أي شي،. لأ كان يعني... شو الكلمات تسوي. أيه، كان عادي عنده جذي قاعد وعادي. -لا، لا... -ولا مرة شفتيه بعدا؟.

مبلى. قلتِ له شي؟. لا، لا، لا. فلو شاف هاللقاء بيعرف؟. المفروض. بيعرف مدى ثقل الكلمة. اللي يمكن هو ما أدرك ولكن. -أيه، بس مفروض أنه أدرك لأنه. -من الـ الحظر أكيد. أيه، لأنه أصلاً ما هو أنت الحين تمام وتحبني وأمورك ماشية. بس لما صرت زوجتك فجأة ما تتشرف. هاللي كنت أتكلم من شوي،. أيه.

كل واحد له صورة نمطية للمنصب هذا وتسلميه منصب. هالمنصب ولا هالما أدري مركز في حياة إنسان له تفاصيل معينة. بس لا لو حبيبة أوكيه زوجة لأ،. نزين نفس الشخص. نفس الشخص. وأنت هني عادي كان عندك. أيه. لما جالس يتغير،. يا سلام ما فهمت أنا. وكنت صغيرة فتأثرت،. بكيت، جنيت، كرهت وظيفتي.

كرهتها لأنه عارف أنت بمجتمعنا يعني. قلت "شنو أنا يعني ما رح أتزوج. وما رح جيب جهال؟". "أنا شنو يعني الكل يشوفني أنه أنا إنسانة مو زينة. لأنه أنا ممثلة؟". ففي العمر الصغي اللي هو 16 و17 و18 لين 24،. أحاول أنا بس أثبت للناس أنه أنا بنت زينة،. وترا متعب بعد وثقيل.

ومع قصة التحرش. يصير أثقل. فأنت بس تحاول تثبت. وهذا اللي أنا عشان جذي لمن أي أحد يطلع يتكلم في شرف فنانة. حتى لو مو أنا،. أصكه بلوك. وأهاجمه وما أرضى وأي بنت،. لكن البنات كلهم زميلاتي في أي مكان كانت،. في أي مكان كانت مصر، لبنان، سوريا، بأي مكان.

ما يخصني، بلوك. لأنه الثقل اللي صار أو التهم اللي صارت على هالمهنة ثقيلة. مو لأنه شخص ولا اثنين ولا ثلاثة ولا أربعة،. فبتتهملي البنات كلهم ولا الشباب كلهم. ما كان ياما احنا في دكاترة تحرشوا في مرضى. ولا كانوا مو أوكيه ولا كان في أخطاء طبية،. ما قلنا أنه كل الدكاترة مو زينين.

-صح. -ولا المحاميين مرتشين ما قلنا المحاميين كلهم،. فشمعني يعني لأنه هذيل أصلاً لأنه مسلط. عليهم الضوء وايد يخافون،. -وايد يخافون. -صح. وما في يعني قلة ترا الأشخاص الفنانين أو المشهورين. اللي مو واعيين بمدى رسالتهم. أو أنه يحطون نفسهم تحت هذه الضغوط. واللي يكونون بهذه المهنة. إذا هم مو ناس حساسن ومو عارفين يعني شنو قاعدين يسوون.

الموضوع مش واقعي. وبقول لك شو قصدي مش واقعي. زين. خلي نسوي دراسة أنا وأنتِ ونخمن،. تأخذ 100 مهندس وتاخد 100 ممثل،. نسبة خلي نقول ندور السكير فيهم اللي طول الوقت يشرب. عشان هذا عيب وغلط وحرام أوكيه،. هل نقدر نضمن %100.

أنه في المهندسين أقل عن %10. وعند الممثلين %90؟. لا ما نقدر. ما نقدر. 100%. -في فرصة. 50/50، 60/40، 70/30 اللي هو ما نعرف. ما نعرف. بس عشان هذا ما عليه تسليط ضوء، هذا مهندس يشتغل في الحقل. ولا حد يعرف عنه، في الشركة، في المصنع،. ما نعرف شنو في مخباته ولا... -ما ينشاف. -ما حد يجلس يصوره. أيه ما حد أيه. هالصورة السلبية النمطية اللي ماخذينها على الممثلين والمغنيين والفنانين.

عشان كل شي يسووه الناس يتكلمون. زين، أنتو ظلمتوا. مثلاً خلي نقول 20، خلي نقول بعد أكثر يلا،. 30% من الفنانين في كل المجالات. يمكن يدخنون ويشربون ومخدرات وكل هالأشياء،. أوكيه. ظلمت السبعة. 100%. السبعة اللي ما يخصهم في ولا شي،. اللي رايح مدرسة وتخرج تمثيل ودارس المهنة. ويدرس ويشتغل وصدق يكد،. زين وعنده ولاد ومتدين زين. ليش؟.

لأ ومو مفروض أصلاً إنك أنت بعد يعني تحط أصابع الاتهام. على هذيل اللي يسكرون ولا اللي يشربون ولا الغلطانين. ولا اللي مو زينين ولا. -أنت يعني أنت منو؟ -منو وكلك؟. منو وكلك؟. ما أنت ممكن بيوم من الأيام تطيح في هذا الغلط. أو تطيح في هالدوامة ولا تسوي اللي هو قاعد يسويه. لا تتشمت، لا تتشمت عشان يعني... أنا دايماً أقول لو الواحد. والله لو الواحد بس يركز على عيوبه. ويعدلها ويشتغل عليها،.

مو بحصل وقت يدور عيوب الناس،. أيه. -والله. -كلنا منكون أصلاً يعني... والله عندنا أصلاً وايد أشياء لازم نطورها ما. لو أنا أتفيق لنفسي. ما بقدر أتفيق لحد ثاني،. بس لو أنا معاند وأقول "لا، أنا تمام.". عندي وايد وقت. أيه، ليش أشوف أنا الغلط بنفسي،. أنا أشوف الغلط فيهم. -أسهل. -وأعدله وأصلحه. وأهديهم هم وأعدلهم ومو أعدل نفسي،. فهذا هو اللي مخلينا كلنا... يعني أنت اليوم أنس ترا فكر وشوف وطالع. وأكيد أنت قاعد تطالع، ليش كلنا فينا مشاكل؟.

أنه يعني أوكيه طبيعي،. بس طبيعي ترا بنسبة الحين اللي قاعد يصير فوق النسبة. ترا يعني أنت قاعد تكلم 9 من 10،. يعني 9 أشخاص من 10 أشخاص شخص واحد يمكن السليم. وشو يعني سليم اليوم. غير عن قبل 100 سنة، غير عن قبل 50 سنة. أيه، سليم أنت قاعد تتكلم أنه يعني. خلي نقول أنه صدمات الطفولة عنده أخف. -ومستقر عاطفياً. أوكيه. -وأنه مستقر عاطفياً، أنه...

ففي خلل، في أشيا مو أوكيه. ولا أتوقع جزء منها والأهم أنه. مو كل واحد يطالع نفسه يطالع غيره،. -كلنا مشغولين ببعض. -بنرجع لموضوع. في بداية الحوار بيننا،. ما في وقت. أنه الواحد يمل ولا يجلس مع نفسه. فمش قادر يعالج طول الوقت مشغول بشي. قبل يمكن تسيرين تتمشين روحك،. تكونين جالسة في البيت روحك،. عندك وقت.

الوالدة شو اسمها؟. رانية. "رانية" شو تعني لك؟. أحبها هي صديقتي. يعني صديقتي، شافت كل الأمور أو التجارب. اللي أنا مريت فيها. وكانت معاي لحظة بلحظة. هي بس يعني شوف احنا لأنه كنا أصدقاء. أنا وأمي أكثر من ما علاقة أم وبنتها. يعني احنا ربع أكثر، يعني ما في هذا...

أم-بنت، علاقة أم-بنت. وهل تحنين،. هل هالشي يخلي البنت تحن وتدور أم؟. تدور وتحن أو تدور أم برا؟. حتى لو ما حصلتها. بس تحن للفكرة. ممكن أيه هي تبي تصير أم،. هذا اللي أنا يعني كان صاير معاي،. بس نتصالح معه يتغير. أيه، كان عندي هوس أنه. "الحين أبي أصير أم.".

بأي طريقة ما عندي مشكلة. يعني أبي أصير أم الحين أتزوج بسرعة. أي أبي أصير أم، أبي جاهل. أعطيه كل هالنقص وكل هالأشياء. وهذه أنانية. أيه، أنانية أنه أنت تبي تجيب جاهل. لأنه أنت عندك شعور تبي تخليه. صح. فعلاقتنا أصدقاء. يعني صديقات. أقول لها كل شي يصير بحياتي،. تفهمني. هي عصبية وأنا عصبية.

فاحنا يعني دايماً ندش بمناوشات قوية. بس هي تجنن ووايد صغيرة. ترا مو كبيرة أمي،. يعني شكلها نفس شكلي يعني ومخها بعد. ظنيتها أختك يوم شفت الـ صفحاتهم الشخصية مال العيلة،. والله قلت "متأكدين؟". أيه أمي. وهي أصغر وحدة بالعائلة. فهي دلوعة،. وطبعاً. تعاني من صدمات طفولة معينة وأفكار وهذا،. فلازم أنا بعد يعني أكون بالبداية أرفض كنت أرفض.

فدايماً كانت علاقتنا يعني تقدر تقول أوكيه أنه زينة،. بس فعلياً من داخلي لأ مو زينة. كنت أحس أنه الكل يستغلني،. فاهم؟. أيه، أنه "أنتو تبون مني شي، أنتو.". ما كنت لأنه مدركه. لأنه كل شخص عنده مشاكل هو يعانيها. وأنت لازم تتقبلها وتفهمها. مو إنك أنت... بعدين أنت بتقط اللوم هي مراحل تمر،.

"أنتو الغلط،. أنتو كنتوا ساكتين،. أنتو ما تتكلمون عن وايد أمور، أنتو أنتو...". الوالد... -أبوي... -شو اسمه؟. عبدالله. شو يعني لك؟. أبوي حبيبي وايد إنسان بسيط،. عانى وايد بحياته صراحة. كان لاعب كرة. وبعدين طلعوا من الفريق. وخلص عاش في دور الضحية،. ويشوف أنه هذه كانت إمكانياته.

وما قدر أنه يعني... صار عنده عدم ثقة بالنفس، عدم ثقة بالذات و. عدم الثقة بإمكانياته. وبعدين بنته لما كبرت هي. صارت مسؤولة عنه،. فأنا أعرف هو شنو يحس. وعشان جذي أنا لما أول ما اشتغلت،. شوف شلون يعني صدق كان يعني غريب،. كنت كل شيكاتي وفلوس تروح باسمه. يعني مستحيل تدخل في حسابي وأنا أعطيه،. فهمت؟. أيه، كانت كل الشيكات، كل المنتجين كلهم كلهم، عقودي، كل شي.

أقول لهم باسم أبوي. أنا لأ. عطو أبوي وأبوي... عشان هذه... فاهم. أيه، فكنت أبى أقول أنه... أنه ترا أنا وأنت واحد يعني لا تحاتي. وبعدين الله يهدي أخوه. قال له عطني مبلغ. اللي هو كل اللي أنا جمعته على شان نستثمر فيه.

وواحد نصب عليهم وراحت الفلوس. فمن يومها أنا قلت حق أبوي "انسى الموضوع.". "يعني صار عندي صدمة منك.". وحبيبي ظريف يعني عارف الضغوطات اللي عليّ،. عارف أنا بشنو أمر،. وايد يراعي، وايد يشوفني إنسانة قوية. بس دايماً يشكك. عنده خوف من المستقبل أنه أنا بيوم من الأيام أقوم. أنه كل فلوسي رايحة،. أنه أنا فجأة ما مثل وأنا وأنا وأنا.

افتراضياً... أول شي بسألك. شو تبين الناس يتذكرونك بعد ما تموتين؟. ليلى كانت... ما أبي ليلى كانت،. ما يهمني، ما يهمني صراحة،. أبي خليني أقول أكثر أنه شنو تغير، فهمت؟.

التغيير اللي سويته أبى هذا أكثر شي ينذكر،. ما أبى حد يذكر عني ولا شي،. ما يهمني لأنه أنت تعيش لنفسك. ولما تموت. يعني بيتذكرونك شنو أول يوم ثالث يوم بالعزا. وبعدين خلص باي باي،. أنت شنو سويت؟. أنا كل الناس ترا العظماء اللي سووا تغيير بالعالم. لما ماتوا ترا. ما يتذكرونهم.

-هم ترا... -شو سووا،. شنو سووا،. -كيف الأثر ولا... -الأثر هذا. اللي أهم شي عندي أنا. إذا ناخذ قلب ليلى وأحطه قدامك،. شو قلب ليلى يقول لليلى. بعد كل الأشياء اللي قلتِ لي اليوم؟. ترا هذا أكثر مرة يعني أكون قاعدة أتكلم وأنا وايد مرتاحة،. أنت عجيب لازم تكون دكتور نفسي.

أتوقع قلبي يقول لي أنه إنك خليكِ طفلة طول الوقت،. أيه يعني ما تكبرين، لا تاخذين الحياة بجدية وايد. أحب قلبي حلو. يعني أنا اللي أدري أنه ينجيني ويطلعني. ويطلعني من اللي أنا فيه ويخلي أنه كل اللي حولي... قلبي مو عقلي،. فلازم أكون شوية يعني راقية معاه مو قاسية بالكلمات.

وقلبي يقول لي أنه روحي استمتعي. الحياة قدامك. وأنا أحب الحياة والحياة تحبك،. وأنتِ ونسية. تعرفين تونسيني. فأنا بأمان معك. وليلى في كلمة؟. ليلى في كلمة؟. ما أعرف.

أحس كلمة مو كافي،. ما أعرف والله ما أعرف للحين. إذا... أسهل لك السؤال عشان سؤال مب سهل،. إذا أنا وأنتِ نمشي. وشفنا ليلى عبدلله بتمشي بروحها. وقلت لك "تعرفينها أنتِ هي،. هالإنسانة في كلمة"؟. حلو، ما أدري ممكن...

يعني. يا تحب الحياة أو متصالحة. هذيل الأكثر شي يعني اللي حولي يقولون لي ياهم. اللي أنا واثقة أنه موجودين فيني يعني. تعرفين أي كلمة جت... ببالك؟. هيه. شنو؟. طفلة. طفلة. بطريقة حلوة مب طريقة مو حلوة. أيه، بالعكس ترا أنت لازم تكون طول الوقت طفل. أيه،. -متصالحة أنتِ قلتِ... -نحن قالوا لنا. أيه طفل أنه طفل طفل،. -لا، أجمل بكتير. -طفل حلو.

أجمل، أنقى،. أنقى. فضولي، نقي،. -ما يجامل، ما ينافق. -أنيس، يضحك، شفاف،. أيه صحيح. متصالحة وأنا قلت طفلة. شكراً. أوكيه. شكراً. لقد كانت جيدة جداً. وايد حلو أيه.